Thane: मोठ्या आवाजात टिव्ही पाहत होती सुन, त्रास झाल्याने सासूने केला बंद, रागाच्या भरात महिलेने सासूची तीन बोटे चावली

महाराष्ट्रातील ठाणे (Thane) जिल्ह्यातून असेच एक प्रकरण समोर आले आहे. ते ऐकून तुम्हाला धक्का बसेल. तर, येथील अंबरनाथ (Ambernath) परिसरात टीव्हीवरून झालेल्या किरकोळ भांडणातून एका कलियुगी सुनेने सासूची तीन बोटे चावली. तसेच पतीला मारहाण केली. पोलिसांनी बुधवारी ही माहिती दिली. सध्या सासूने सुनेविरुद्ध पोलीस ठाण्यात तक्रार दाखल केली आहे. हे संपूर्ण प्रकरण ठाण्यातील अंबरनाथ भागातील आहे. जिथे एका महिलेने आपल्या सुनेला टेलिव्हिजनचा आवाज कमी करण्यास सांगितले, मात्र यावरून दोघांमध्ये बाचाबाची झाली. त्याचवेळी हा वाद इतका वाढला की, रागाच्या भरात सुनेने आपल्या वृद्ध सासूच्या हाताची तीन बोटे चावली.

याप्रकरणी माहिती देताना शिवाजी नगर पोलीस ठाण्याच्या अधिकाऱ्याने सांगितले. वृषाली कुलकर्णी वय 60 वर्षांच्या घरी होत्या. तेव्हा त्यांची सून विजया कुलकर्णी, तिथे टीव्ही पाहत होत्या. यामुळेच ही संपूर्ण घटना घडली आहे. त्याने सांगितले की, सोमवारी सकाळी वृषालीने विजयाला टीव्हीचा आवाज कमी करण्यास सांगितले, कारण त्या भजन करत होत्या. त्याचवेळी सुनेने त्यांचे ऐकले नाही तेव्हा त्यांनी जाऊन टीव्ही बंद केला. हेही वाचा Jalna: जालन्यातील Mantha Urban Cooperative बँकेत 12 कोटी 18 लाखांचा अपहार; 14 जणांविरोधात गुन्हा दाखल

याचा राग आल्याने सुनेने सासू वृषाली यांचा हात पकडून तिची तीन बोटे चावली.  एवढेच नाही तर सून एवढी संतापली की, दोघांचा आवाज वाढवल्यानंतर पती मध्यस्थी करण्यासाठी तेथे पोहोचला. तेव्हा विजयाने त्यालाही मारहाण करण्यास सुरुवात केली. सध्या पीडित सासूने तिच्या सुनेविरुद्ध शिवाजी नगर पोलिस ठाण्यात तक्रार दाखल केली आहे. पोलीस या संपूर्ण प्रकरणाचा तपास करून पुढील कारवाई करतील.

(The above story first appeared on LatestLY on Sep 08, 2022 10:11 AM IST. For more news and updates on politics, world, sports, entertainment and lifestyle, log on to our website latestly.com).