Rain Forecast In Maharashtra: महाराष्ट्रात येत्या 2 ते 3 दिवसात पाऊस पडण्याची शक्यता, भारतीय हवामानशास्त्र विभागाने दर्शवला अंदाज
आयएमडीने पुढे म्हटले आहे की 17 नोव्हेंबरच्या सुमारास दक्षिण महाराष्ट्र-गोवा किनारपट्टीपासून पूर्व-मध्य अरबी समुद्रावर नवीन कमी दाबाचे क्षेत्र तयार होण्याची शक्यता आहे.
हिवाळ्यासारखी थंडी पडल्यानंतर 16 नोव्हेंबरपर्यंत महाराष्ट्रात गडगडाट आणि विजांच्या कडकडाटासह पाऊस (Rain) पडण्याची शक्यता आहे, असे भारतीय हवामानशास्त्र विभागाने (IMD) म्हटले आहे. बंगालच्या उपसागरात कमी दाबाचा पट्टा तयार होण्याच्या आणि त्याच्या पश्चिम-उत्तर-पश्चिम दिशेने मुख्य भूभागाकडे होणाऱ्या हालचालींच्या प्रभावामुळे हे असेल. आयएमडीने पुढे म्हटले आहे की 17 नोव्हेंबरच्या सुमारास दक्षिण महाराष्ट्र-गोवा किनारपट्टीपासून पूर्व-मध्य अरबी समुद्रावर नवीन कमी दाबाचे क्षेत्र तयार होण्याची शक्यता आहे. हवामान खात्याने शनिवारपासून दक्षिण कोकण, मध्य महाराष्ट्र आणि मराठवाड्यातील बहुतांश जिल्ह्यांमध्ये ‘यलो’ अलर्ट जारी केला आहे.
शनिवारपासून 18 नोव्हेंबरपर्यंत रायगड, रत्नागिरी, सातारा, सिंधुदुर्ग, अहमदनगर, पुणे, कोल्हापूर, सांगली, सोलापूर, बीड, उस्मानाबाद, लातूर आणि नांदेड जिल्ह्यांत काही ठिकाणी विजांच्या कडकडाटासह वादळी वाऱ्यासह वादळाची शक्यता आहे. ठाणेमध्ये देखील मंगळवारपासून 18 नोव्हेंबरपर्यंत यलो अलर्ट जारी आहे. सात दिवसांच्या अंदाजानुसार, मुंबईतही तीन दिवस मंगळवारपासून दुपार किंवा संध्याकाळपर्यंत पाऊस किंवा मेघगर्जनेसह पाऊस पडण्याची शक्यता आहे. हेही वाचा Mumbai Drugs Case: नार्कोटिक्स कंट्रोल ब्युरोने नवाब मलिकांचा जावई समीर खानसह अन्य दोघांचे आवाजाचे नमुने मागवले
किमान तापमान सरासरीपेक्षा कमी झाल्यानंतर मुंबईत रविवारी तापमानात वाढ झाली. गेल्या 24 तासांत किमान तापमानात तीन अंशांची वाढ नोंदवण्यात आली. आयएमडीच्या सांताक्रूझ वेधशाळेने 24.4 अंश सेल्सिअस किमान तापमान नोंदवले, जे आदल्या दिवशी 21.6 अंश सेल्सिअस होते. रविवारचे किमान तापमानही सामान्यपेक्षा तीन अंशांनी अधिक होते. रविवारी नोंदवलेले कमाल तापमानही सामान्यपेक्षा तीन अंशांनी 36.6 अंश सेल्सिअस इतके होते. सात दिवसांच्या अंदाजानुसार शहरातील किमान आणि कमाल तापमान सामान्यपेक्षा जास्त राहण्याची शक्यता आहे.