Rahul Narwekar Narco Test: 'राहुल नार्वेकर यांची नार्को टेस्ट करा'; आमदार अपात्रतेचा निकाल दिल्यानंतर UBT गटाचे आमदार Nitin Deshmukh यांची मागणी
मुख्यमंत्री शिंदे यांच्यावर निशाणा साधत देशमुख म्हणाले, ‘आपले 40 आमदार कुठेही दिसणार नाहीत. सीएम शिंदे म्हणाले होते की, त्यांचा 40 आमदार निवडणुकीत पराभूत झाला तरी मी शेती करणार आहे. त्यांनी दिलेले शब्द पाळावेत.'
Rahul Narwekar Narco Test: महाराष्ट्र विधानसभा अध्यक्ष राहुल नार्वेकर (Rahul Narvekar) यांनी शिवसेनेच्या आमदार अपात्रतेप्रकरणी निकाल दिल्यानंतर दुसऱ्याच दिवशी, उद्धव बाळासाहेब ठाकरे (UBT) गटाचे आमदार नितीन देशमुख (Nitin Deshmukh) यांनी सभापतींची नार्को टेस्ट (Narco Test) करण्याची मागणी केली आहे. ‘राहुल नार्वेकरांनी अपेक्षेनुसार निकाल दिला आहे. त्यांच्या नार्को चाचणीतून सत्ताधारी पक्षाचे सर्व कारस्थान उघड होईल’, असे देशमुख म्हणाले. नार्वेकर यांच्यावर उपहासात्मक टीका करताना देशमुख म्हणाले की, त्यांना सर्वोच्च न्यायालयाचे न्यायाधीश बनवा.
सभापती राहुल नार्वेकर यांनी बुधवारी आपल्या निर्णयात शिंदे गटच खरी शिवसेना असल्याचा निर्णय दिला. मात्र, दोन्ही गटांतील कोणत्याही आमदारांना अपात्र ठरवण्यास त्यांनी नकार दिला. या निकालावर प्रतिक्रिया देताना देशमुख म्हणाले, ‘नार्वेकरांचा निकाल काय असेल याची सर्वांना कल्पना होती. त्यामुळे राहुल नार्वेकरच्या निकालाने कोणालाही धक्का बसला नाही. त्यांची नार्को चाचणी झाली तर संपूर्ण कट बाहेर येईल. सुरुवातीपासूनच हा कट रचण्यात आला होता.’
या निकालावर ताशेरे ओढताना ते पुढे म्हणाले, ‘राहुल नार्वेकरांचा निकाल आदर्श उदाहरण म्हणून घ्यावा. त्यांना सर्वोच्च न्यायालयाचे न्यायाधीश करा. नार्वेकर देशासाठी चांगले निकाल देतील. केंद्र सरकारने नार्वेकरांना सर्वोच्च न्यायालयाचे न्यायमूर्ती बनवण्यासाठी कायद्यात सुधारणा करावी.’ हा निकाल आपल्या पक्षाच्या विरोधात गेला असला तरी उद्धव ठाकरे यांनी भविष्याचे नियोजन आधीच केले आहे, असेही देशमुख पुढे म्हणाले. (हेही वाचा: Shiv Sena MLA Disqualification Case: राहुल नार्वेकर यांच्या निर्णयाविरोधात शिवसेना- UBT गट सर्वोच्च न्यायालयात जाणार; जाणून घ्या Uddhav Thackeray, Aaditya Thackeray यांची प्रतिक्रिया)
मुख्यमंत्री शिंदे यांच्यावर निशाणा साधत देशमुख म्हणाले, ‘आपले 40 आमदार कुठेही दिसणार नाहीत. सीएम शिंदे म्हणाले होते की, त्यांचा 40 आमदार निवडणुकीत पराभूत झाला तरी मी शेती करणार आहे. त्यांनी दिलेले शब्द पाळावेत. कारण शेवटी तेच शेती करणार आहेत. मतदार उद्धव ठाकरेंसोबत आहेत. त्यांची सहानुभूती त्यांच्यासोबत आहे. मुख्य निकाल मतदार देतील आणि तो ठाकरेंच्या बाजूने असेल.’
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)
Tags
संबंधित बातम्या
Abbas Ansari Grants Interim Bail: मुख्तार अन्सारीचा मुलगा अब्बासला सर्वोच्च न्यायालयाकडून मोठा दिलासा; गँगस्टर्स अॅक्ट प्रकरणात अंतरिम जामीन मंजूर
Nitin Gadkari On Road Safety: रस्त्यांचे चुकीचे आराखडे अपघातास कारण; नितीन गडकरी यांचे अभियंत्यांवर खापर
Santosh Deshmukh Death Case: संतोष देशमुख याच्या हत्येचे फोटो पाहून 23 वर्षीय तरूण व्यथित; गळफास घेत संपवले जीवन
Akhilesh Yadav on SP MLA Abu Azmi's Suspension: अखिलेश यादव यांच्याकडून सपा आमदार अबू आझमी यांच्या निलंबनाचा निषेध
