Poverty Index: पुण्याची 5.29 टक्के लोकसंख्या दारिद्र्यरेषेखाली; जाणून घ्या मुंबई व नागपूरची स्थिती

सेंटर फॉर सायन्स अँड एन्व्हायर्नमेंट (CSE) ने प्रसिद्ध केलेल्या ‘द स्टेट ऑफ इंडियाज एन्व्हायर्नमेंट 2022: इन फिगर्स’ या अहवालानुसार, मुंबईच्या (Mumbai) 3.59 टक्के नंतर पुण्याची 5.29 टक्के लोकसंख्या दारिद्र्यरेषेखालील (Below The Poverty Line) आहे. अहवालानुसार, बहुआयामी दारिद्र्य निर्देशांक (MPI) श्रेणीत महाराष्ट्राची 14.87 लोकसंख्या दारिद्र्य रेषेखाली असून, राज्याचा देशात 19 वा क्रमांक आहे. एमपीआय श्रेणी अंतर्गत नागपूरची 6.72 टक्के लोकसंख्या दारिद्र रेषेखाली आहे.

हा अहवाल सेंटर फॉर सायन्स अँड एन्व्हायर्नमेंट आणि डाउन टू अर्थ (मासिक) यांचे वार्षिक प्रकाशन आहे. अहवालात हवामान बदल, स्थलांतर, आरोग्य आणि अन्न व्यवस्था यावर लक्ष केंद्रित केले आहे. यात जैवविविधता, वन आणि वन्यजीव, ऊर्जा, उद्योग, अधिवास, प्रदूषण, कचरा, शेती आणि ग्रामीण विकास यांचा समावेश होतो.

हा डेटा जगातील बहुआयामी गरीबी निर्देशांकाच्या विभागांतर्गत सामायिक करण्यात आला होता जो आरोग्य, शिक्षण आणि राहणीमान या तीन आयामांचा विचार करतो, तसेच पोषण, शाळेतील उपस्थिती, वीज, माता आरोग्य, स्वच्छता, मालमत्ता, बाल आणि किशोर मृत्यू, स्वयंपाकाचे इंधन, घर, शालेय शिक्षणाची वर्षे, पिण्याचे पाणी आणि बँक खाते यांचा समावेश असलेले बारा निर्देशक पाहतो. याद्वारे केरळ राज्य देशात अव्वल आहे, जिथे 0.71 टक्के लोकसंख्या दारिद्र्यरेषेखाली आहे. (हेही वाचा: Pune: भीमाशंकरच्या जंगलात मुसळधार पावसात सहा ट्रेकर्सची पुणे ग्रामीण पोलिसांकडून सुटका)

दरम्यान, युनायटेड नेशन्स डेव्हलपमेंट प्रोग्राम (UNDP) ने गुरुवारी एका अहवालात म्हटले आहे की, युक्रेनवर रशियन हल्ल्यानंतर अन्न आणि उर्जेच्या किमतीत तीव्र वाढ झाल्याने जगभरातील 71 दशलक्षाहून अधिक लोक दारिद्र्यरेषेखाली गेले आहेत. युएनडीपीचा अंदाज आहे की युद्ध सुरू झाल्यानंतर पहिल्या तीन महिन्यांत, 51.6 दशलक्षाहून अधिक लोक दारिद्र्यरेषेखाली गेले आणि हे लोक रोज $1.90 किंवा त्यापेक्षा कमी पैशांवर जगत आहेत.

(The above story first appeared on LatestLY on Jul 12, 2022 05:43 PM IST. For more news and updates on politics, world, sports, entertainment and lifestyle, log on to our website latestly.com).