Nagpur Fire: नागपुरातील कंपनीत भीषण आग; एका कर्मचाऱ्याचा मृत्यू

नागपूर जवळील बाजारगाव येथील इकॉनॉमिक एक्सप्लोझिव्ह कंपनीत आज भीषण आग लागल्याची घटना घडली आहे. या आगीमध्ये एका कर्मचाऱ्याचा दुर्देवी मृत्यू झाला तर आणखी एक जण गंभीर जखमी झाला आहे. इकॉनॉमिक एक्सप्लोझिव्ह कंपनीने उत्पादित केलेल्या टाकाऊ साहित्याची विल्हेवाट लावत ते नष्ट करत असताना ही आग लागल्याची घटना घडली असल्याची माहिती पोलिसांकडून मिळाली आहे.

सकाळी सातच्या सुमारास ही आग लागल्याची घटना घडली आहे. टाकाऊ साहित्याची विल्हेवाट लावत असताना अचानक या साहित्यातून जोरदार ज्वाला निघाली. त्यामुळे या कचऱ्याची विल्हेवाट लावणारे दोन कामगार गंभीर जखमी झाले. जखमी कामगारांना तात्काळ नागपुरच्या खासगी रुग्णालयात दाखल केले होते.

रुग्णालयात दाखल करण्यात आल्यानंतर उपचारादरम्यान एका कामगाराचा मृत्यू झाला. प्रतिक कळसकर असे मृत कामगाराचे नाव आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)