Mumbai Metro Line 4 Phase 2 Update: मुंबई मेट्रो लाईन 4 फेज 2 चे काम प्रगतीपथावर; विक्रोळीतील गांधी नगर जंक्शन येथे स्टील गर्डर बसवण्यास सुरुवात

Mumbai Metro Expansion: मुंबईच्या मेट्रो विस्तार प्रकल्पाने मोठ्या प्रमाणावर वेग धारण केला असून, विविध कामे प्रगतीपथावर आहेत. मुंबई मेट्रो लाईन 4 (Metro Line 4 Update) फेज 2 चे काम अधिक प्रगतीपथावर सुरु असून, या मार्गावरील विक्रोळी (Vikhroli Metro Work) येथील गांधी नगर जंक्शन (Gandhi Nagar Junction) येथे अभियंत्यांनी भव्य स्टील गर्डर बसवण्यास यशस्वीरित्या सुरुवात केली आहे. शहरातील संपर्कयंत्रणा (Urban Transport Mumbai) अधिक मोठ्या प्रमाणावर कार्यन्वीत करण्याच्या दिशेने हे एक महत्त्वाचे आणि मोठे अभियांत्रिकी पाऊल असल्याचे मानले जात आहे. प्राप्त माहितीनुसार, गर्डरची लांबी 62.7 मीटर, तर वजन 540 टन इतके आहे. हा गर्डर वाहतुकीमध्ये अतिशय व्यग्र असलेल्या JVLR-LBS जंक्शनपासून 24 मीटर वर बसवला जात आहे. दरम्यान मेट्रो लाईन 3 चे कामही जवळपास  पूर्ण झाले असून, 1 मे च्या दरम्यान ही सेवा सुरु होण्याची शक्यता वर्तवली जात आहे. अर्थात त्यास अधिकृत दुजोरा मिळू शकला नाही.

गर्डर बसवीण्याचे काम तीन टप्प्यांमध्ये

मुंबईच्या मेट्रो विस्तार प्रकल्पाचा एक भाग असलेले गर्डर बसविण्याचे काम आव्हानात्मक असल्याचे प्रकल्पावर काम करणारे अधिकारी सांगतात. हे काम आव्हानात्मक असल्याने तीन टप्प्यांमध्ये केले जात असल्याचेही ते म्हणाले. तीन टप्प्यांतील कामे खालील प्रमाणे:

1. मेट्रो लाईन 6 अंतर्गत JVLR वर 30 मीटरचा स्पॅन बसवणे
2. विक्रोळीकडे 17 मीटरचा विस्तार बसवणे
3. मुलुंडकडे 15 मीटरचा स्पॅन बसवणे

अधिकाऱ्यांनी प्रसारमाध्यमांना माहिती देताना सांगितले की, गर्डरची स्थापना वेळापत्रकानुसार सुरू आहे, ज्यामुळे कॅडबरी जंक्शन आणि गांधी नगर दरम्यानच्या पट्ट्याच्या प्रगतीला लक्षणीयरीत्या चालना मिळाली आहे, जी डिसेंबर 2026 पर्यंत पूर्ण करण्याचे लक्ष्य आहे. (हेही वाचा, Mumbai Metro Line 2B: मुंबई मेट्रो लाईन 2B, मांडळे ते डायमंड गार्डनदरम्यान 5.5 किमी मार्गावर प्रायोगिक चाचण्या सुरू)

मुंबईच्या पायाभूत सुविधांसाठी एक नवीन लँडमार्क

मेट्रो प्रकल्पांमुळे गांधी नगर जंक्शन एका बहुस्तरीय उभ्या वाहतूक केंद्रात रूपांतरित होत आहे. फ्री प्रेस जर्नलने दिलेल्या वृत्तानुसार, स्टील गर्डर, एक प्रभावी 62.7 मीटर लांब आणि सुमारे 540 टन वजनाचा आहे. जो व्यग्र असणाऱ्या JVLR-LBS जंक्शनपासून 24 मीटर वर ठेवला जात आहे, हे सर्व थेट, जड वाहतुकीचे व्यवस्थापन करताना केले जात आहे. हे महत्त्वाचे काम कॅडबरी जंक्शन ते गांधी नगर दरम्यानचा रस्ता पूर्ण करण्याच्या दिशेने एक मोठे पाऊल आहे, जो डिसेंबर 2026पर्यंत सुरू होण्याची अपेक्षा आहे. एकदा तयार झाल्यावर, मेट्रो लाईन 4 घोडबंदर रोडवरील गायमुखला ठाणे आणि मुलुंड मार्गे कांजूरमार्गशी जोडेल, ज्यामुळे प्रवासाचा वेळ लक्षणीयरीत्या कमी होईल आणि मुंबईच्या पूर्व उपनगरांमध्ये कनेक्टिव्हिटी वाढेल.

गर्डर बसवणे आव्हानात्मक

कमी जागा आणि सतत वाहतूक प्रवाहामुळे गर्डर बसवणे विशेष आव्हानात्मक आहे. त्यामुळेच हे काम तीन टप्प्यात केले जात आहे. प्रथम, मेट्रो लाईन 6 अंतर्गत JVLR वर 30 मीटरचा स्पॅन टाकला जात आहे, त्यानंतर विक्रोळीकडे 17 मीटरचा विस्तार आणि शेवटी मुलुंडकडे जाणारा 15 मीटरचा भाग.

एकदा कार्यान्वित झाल्यानंतर, मेट्रो लाईन 4 घोडबंदर रोडवरील गायमुख ते ठाणे आणि मुलुंड मार्गे कांजूरमार्गला जोडेल. या लाईनमुळे दररोज 8 लाखांहून अधिक प्रवाशांना सेवा मिळेल अशी अपेक्षा आहे, ज्यामुळे प्रवासाचा वेळ कमी होईल आणि गर्दीच्या रस्ते आणि रेल्वे व्यवस्थेवरील ताण कमी होईल, ज्यामुळे शहराच्या सार्वजनिक वाहतूक नेटवर्कला मोठी चालना मिळेल. अधिकाऱ्यांनी आशा व्यक्त केली आहे की सतत प्रगती होत असताना, मेट्रो लाईन 4 मुंबईच्या शहरी गतिशीलतेच्या लँडस्केपसाठी गेम-चेंजर बनेल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)