Mumbai Metro Line 1 Update: प्रवाशांसाठी दिलासा! आता मुंबई मेट्रो 1 पीक अवर्समध्ये अंधेरी आणि घाटकोपर स्थानकांदरम्यान चालवणार अतिरिक्त गाड्या; जाणून घ्या वेळा
वरिष्ठ मेट्रो अधिकाऱ्यांच्या वृत्तानुसार, याची चाचणी रन 6 मार्च रोजी घेण्यात आली. प्रवाशांकडून अभिप्राय गोळा करण्यासाठी अधिक चाचण्यांचे नियोजन केले आहे. बहुतेक गर्दी घाटकोपर ते अंधेरी या मार्गावर पाहायला मिळाली आहे, त्यामुळे या दोन स्थानकादरम्यान अतिरिक्त सेवा चालवण्याचा हा निर्णय घेण्यात आला.
मुंबईकरांसाठी (Mumbai) दिलासादायक बाब आहे. मुंबई मेट्रो लाईन 1 (Mumbai Metro Line 1) द्वारे गर्दीच्या वेळेत घाटकोपर ते वर्सोवा पर्यंत अतिरिक्त सेवा चालवल्या जाणार आहेत. पीक अवर्समध्ये अंधेरी आणि घाटकोपर मेट्रो स्थानकांदरम्यान सर्वाधिक गर्दी असते. त्यामुळे अंधेरी आणि घाटकोपर रेल्वे स्थानकांदरम्यान एका लहान लूपमध्ये अतिरिक्त गाड्या चालवण्यावर काम सुरु आहे. या लहान लूपमध्ये वर्सोवा/अंधेरी आणि घाटकोपर दरम्यानच्या प्रत्येक पर्यायी ट्रेनचा समावेश आहे. या लहान फेऱ्यांचा उद्देश मेट्रो लाईन 1 वरील गर्दीच्या वेळेत गर्दी कमी करणे हा आहे.
सध्या, घाटकोपर ते वर्सोवा पर्यंत मेट्रो सेवा चालते, परंतु एमएमआरडीएने घाटकोपर ते अंधेरी या मार्गावर अधिक सेवा जोडण्याचा निर्णय घेतला आहे. मेट्रो लाईन 1 वरील लहान फेऱ्या सकाळी 8.30 ते 10.30 आणि संध्याकाळी 6 ते रात्री 8 पर्यंत चालतील. गर्दीच्या वेळेत त्रासमुक्त प्रवास अनुभव प्रदान करण्याचा या उपक्रमाचा उद्देश आहे.
वरिष्ठ मेट्रो अधिकाऱ्यांच्या वृत्तानुसार, याची चाचणी रन 6 मार्च रोजी घेण्यात आली. प्रवाशांकडून अभिप्राय गोळा करण्यासाठी अधिक चाचण्यांचे नियोजन केले आहे. द इंडियन एक्सप्रेसच्या वृत्तानुसार. बहुतेक गर्दी घाटकोपर ते अंधेरी या मार्गावर पाहायला मिळाली आहे, त्यामुळे या दोन स्थानकादरम्यान अतिरिक्त सेवा चालवण्याचा हा निर्णय घेण्यात आला.
मेट्रो लाईन 1 वरील जास्त मागणीमुळे, प्रवासी अधिक कोच जोडण्याची मागणी करत आहेत. झोरू भाथेना नावाच्या एका एक्स वापरकर्त्याने मेट्रो लाईन 1 वर प्रवास करताना येणाऱ्या अडचणी सांगितल्या, ज्यामध्ये सध्या फक्त चार कोच असल्याचे नमूद केले आहे. त्यांनी इतर मेट्रो लाईनशी तुलना करत म्हटले, मुंबई मेट्रो लाईन 1 मध्ये फक्त 4 कोच आहेत. मुंबई मेट्रो लाईन 2 मध्ये 6 कोच आहे. मुंबई मेट्रो लाईन 3 मध्ये 8 कोच आहेत. इतरही अनेक प्रवाशांनी कोचच्या अपुऱ्या संख्येबद्दल चिंता व्यक्त केली आहे.
Mumbai Metro Line 1 Update:
अंधेरी लोखंडवाला ओशिवरा नागरिक संघटना (अंधेरी एलओसीए) ने चेंज डॉट ऑर्ग या संकेतस्थळावर सार्वजनिक डोमेनमध्ये, एक ऑनलाइन याचिका दाखल केली आहे, ज्यामध्ये कोचची संख्या चार वरून सहा करण्याची मागणी करण्यात आली आहे. आता प्रवाशांचा अनुभव सुधारण्यासाठी, एमएमआरडीएचा आता घाटकोपर आणि अंधेरी दरम्यान अधिक सेवा जोडण्याचा मानस आहे. सुमारे 10 वर्षांपूर्वी, वर्सोवा ते घाटकोपर पर्यंत जाणारा हा प्रकल्प 2007 मध्ये सुरू झाला आणि 8 जून 2014 रोजी कार्यान्वित झाला. सध्या, ब्लू लाईन 1,422 सेवा चालवते, पहिली ट्रेन वर्सोवा आणि घाटकोपर येथून सकाळी 5.30 वाजता सुटते आणि शेवटची ट्रेन वर्सोवा येथून रात्री 11.25 वाजता आणि घाटकोपर येथून रात्री 11.50 वाजता सुटते.