Marol Fire Incident In Mumbai: मुंबईतील मरोळ परिसरात वाहनांना आग, तिघे गंभीर जखमी; एकाच वेळी कार, रिक्षा, दुचाकी जळून खाक
मुंबईतील मरोळ परिसरात गॅस पाईपलाईन गळतीमुळे मोठी आग लागली. तीन जण गंभीर जखमी झाले आणि वाहने राख झाली. अधिकारी या घटनेची चौकशी करत आहेत.
मुंबईतील मरोळ परिसरात भीषण आग (Mumbai Fire) लागली. या आगीमध्ये तीन जण जखमी झाले आणि अनेक वाहने पूर्णपणे जळून खाक झाली. अधिकाऱ्यांनी दिलेल्या माहितीनुसार, ही घटना बीएमसीचे काम (BMC Work) सुरू असलेल्या मरोळ परिसरात घडली आणि प्राथमिक माहितीनुसार गॅस पाईपलाईन गळतीमुळे (Gas Pipeline Leak) आग लागली असावी. आगीत एक कार, एक रिक्षा आणि एक दुचाकी जळून खाक झाली आणि अग्निशमन दलाला (Mumbai Fire Brigade) आग आटोक्यात आणताच त्या जळून खाक झाल्या. रात्रीची वेळ असल्याने रस्त्यांवर फारशी वर्दळ नव्हती परंतू, कामानिमित्त घराबाहेर असलेल्या प्रत्यक्षदर्शी नागरिकांमध्ये मोठ्या प्रमाणावर भीती आणि घबराटीचे वातावरण निर्माण झाले. मात्र, अग्निशमन दलाचे जवान बंबासह तत्काळ दाखल झाल्याने आगिवर वेळीच नियंत्रण मिळविण्यात यश आले आणि अधिकची हानी टळली.
अधिकाऱ्यांनी जखमींची पुष्टी केली, बळींवर उपचार सुरू आहेत
सहाय्यक विभागीय अग्निशमन अधिकारी एस.के. सावंत यांनी पुष्टी केली की, या घटनेत तीन जण गंभीर भाजले आहेत आणि त्यांना ताबडतोब वैद्यकीय उपचारांसाठी हलवले आहे. आम्हाला रात्री 12.30 च्या सुमारास आगीची सूचना मिळाली आणि आम्ही घटनास्थळी धाव घेतली. ही घटना बीएमसीचे काम सुरू असताना घडली. पोहोचल्यानंतर आम्हाला कळले की तीन जण भाजले आहेत आणि त्यांना उपचारासाठी हलवले आहे,” सावंत यांनी प्रसारमाध्यमांना सांगितले. (हेही वाचा, Mumbai Fire: मुंबईच्या मस्जिद बंदर येथे इमारतीला आग; धुरामुळे 2 जणांचा मृत्यू (Video))
प्रसारमाध्यमांना घटनेची माहिती देताना अधिकारी
जखमी झालेल्यांची ओळख पटली
घटनेत जखमी झालेल्यांची ओळख पटली असून त्यांची नावे खालील प्रमाणे आहेत. जखमींपैक दोघे अधिक तर एकजण किरकोळ भाजला आहे. त्यांची नावे खालील प्रमाणे:
- अरविंदकुमार कैथल (21 वर्षे) – दुचाकी चालवताना 30% ते 40% भाजले.
- अमन हरिशंकर सरोज (22 वर्षे) – दुचाकी चालवताना 40% ते 50% भाजले.
- सुरेश कैलास गुप्ता (52वर्षे) – ऑटो-रिक्षा चालक, कंबरेखाली 20% भाजले.
दुर्घटनेतील वरील तिघांवरही मुंबई येथील बाळासाहेब ठाकरे ट्रॉमा केअर सेंटरमधील एमआयसीयू युनिटमध्ये उपचार सुरू आहेत.
दरम्यान, गॅस पाइपलाइन गळतीमुळे आग लागल्याचा संशय अधिकाऱ्यांनी व्यक्त केला आहे. चौकशी पुढे सरकत असताना अधिक माहिती समोर येण्याची अपेक्षा आहे.
वाहनांचे मोठे नुकसान
दरम्यान, गुरुवारी सकाळी राज्यातील ठाणे शहरातील एका सहा मजली इमारतीत आग लागली. माजिवाडा येथील सिद्धार्थ नगर येथे पहाटे 4.23 वाजता आग लागली, ज्यामध्ये एका दुकानाचे आणि जवळच उभ्या असलेल्या तीन मोटारसायकलींचे मोठे नुकसान झाले. ठाणे महानगरपालिकेच्या आपत्ती व्यवस्थापन कक्षाचे प्रमुख यासीन तडवी यांनी पुष्टी केली की या घटनेत कोणतीही जीवितहानी किंवा दुखापत झाली नाही. अग्निशमन दलाच्या जवानांनी 30 मिनिटांत आग आटोक्यात आणली, ज्यामुळे ती निवासी मजल्यांमध्ये पसरू शकली नाही. अशा घटना टाळण्यासाठी अधिकाऱ्यांनी रहिवाशांना सावधगिरी बाळगण्याचे आणि कोणत्याही गॅस गळती किंवा आगीच्या धोक्याची त्वरित तक्रार करण्याचे आवाहन केले आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)