Mumbai Local Mega Block: उड्डाण पुलाच्या उभारणीमुळे मुंबईत मध्य रेल्वे मार्गावर 2 दिवसांचा विशेष ब्लॉक

Mumbai Local Mega Block: मध्य रेल्वेने कसारा रेल्वे स्थानकात उड्डाण पुलाच्या उभारणीसाठी मुंबईत पुढील दोन दिवस  मध्य रेल्वे मार्गावर विशेष ब्लॉक असणार आहे.मध्य रेल्वेच्या कसारा स्थानकावर आरओबी गर्डरच्या (टप्पा-1) लाँचिंगसाठी हा  विशेष वाहतूक आणि पॉवर ब्लॉक आहे.  शनिवारी 8 मार्च आणि रविवारी 9 मार्च रोजी हा ब्लॉक घेण्यात येणार आहे. त्यामुळे या काळात प्रवाशांनी लोकलने प्रवास करण्यापूर्वी वेळापत्रक पाहूनच नियोजन करावे असे आवाहन करण्यात आले आहे.या ब्लॉकचा लोकल सेवेवर परिणाम होणार आहे. त्यामुळे कसारा येथून शनिवारी आणि रविवारी सकाळी 11.10 वाजता सुटणारी छत्रपती शिवाजी महाराज टर्मिनस (एन-16) लोकल आसनगाव येथून सुटेल. ब्लॉक काही लोकल गाड्यांच्या वेळापत्रकावर परिणाम होणार आहे.