QuickLY
Socially
मुंबईचे माजी पोलीस आयुक्त परम बीर सिंग (Param Bir Singh) आणि अन्य आरोपींसह रियाझ भाटी (Riaz Bhati) हा खंडणीच्या प्रकरणात फरार असल्याची घोषणा मुंबई उच्च न्यायालयाने (Mumbai High Court) शुक्रवारी रद्द केली. न्यायमूर्ती रेवती मोहिते-डेरे यांच्या एकल न्यायाधीशांच्या खंडपीठाने भाटी यांनी दाखल केलेल्या याचिकेवर सुनावणी करताना ही घोषणा रद्द केली. ज्यात म्हटले होते की फरारी म्हणून घोषित केलेला सहआरोपी विनय सिंगला उच्च न्यायालयाने आधीच फरारी टॅगपासून मुक्त केले आहे. न्यायमूर्ती मोहिते-डेरे यांनी दिलासा देताना नमूद केले की, सिंग यांच्या खटल्यातील निर्णयाला फिर्यादी पक्षाने आव्हान दिले नसल्याने भाटी यांनाही तशीच सूट मिळायला हवी होती.
उच्च न्यायालयाच्या न्यायमूर्तींनी लिहिले की घोषणा जारी करण्याच्या आदेशात दोष असू शकत नाही. परंतु ही घोषणा फौजदारी प्रक्रिया संहितेच्या कलम 82 च्या आदेशाच्या विरुद्ध होती. परम बीर, सचिन वाझे सध्या अँटिलिया बॉम्ब आणि मनसुख हिरण हत्या प्रकरणात अडकले आहे. हेही वाचा New Guideline for International Passengers: विदेशी प्रवाशांसाठी 7 दिवस क्वारंटाईन बंधनकारक; Omicron नियंत्रणासाठी केंद्र सरकारकडून नव्या गाईडलाईन्स
तसेच तुरुंगात असलेले मुंबईचे बडतर्फ केलेले पोलीस अधिकारी सुमित सिंग आणि अल्पेश पटेल यांनी हॉटेल व्यावसायिक, नागरीक असलेल्या बिमल अग्रवाल यांच्याकडून 11.92 लाख रुपयांची रोकड , मौल्यवान वस्तू लुटल्याचा आरोप आहे. कंत्राटदार या प्रकरणी सुरुवातीला गोरेगाव पोलिस ठाण्यात गुन्हा दाखल करण्यात आला होता, परंतु नंतर तो गुन्हे शाखेकडे वर्ग करण्यात आला.
