Mumbai: मुंबई कस्टम्सच्या एअर इंटेलिजेंस युनिटकडून 18 केनियन महिलांना अटक, 1.55 कोटी रुपये किमतीचे 3.85 किलो सोने जप्त

मुंबई कस्टम्सच्या एअर इंटेलिजेंस युनिट (AIU) ने रविवारी छत्रपती शिवाजी महाराज आंतरराष्ट्रीय विमानतळावर 18 केनियन (Kenyan) महिलांना थांबवले आहे. त्यांना 1.55 कोटी रुपये किमतीचे 3.85 किलो अघोषित सोने देशात घेऊन जात असताना रोखले, अशी माहिती सूत्रांनी दिली आहे. शारजाहमार्गे (Sharjah) नैरोबीहून (Nairobi) भारतात आलेल्या या महिलांनी शावरमासात लपवलेल्या सोन्याच्या छोट्या बार, ग्राउंड कॉफीच्या बाटल्या आणि शूज आणले होते. त्यांच्या अंतर्वस्त्रांमध्येही काही सोने सापडले, अशी माहिती सूत्रांनी दिली. ते सर्व एकाच फ्लाइटमध्ये होते, सूत्रांनी सांगितले. एआययूने आतापर्यंत एका महिलेला परवानगीपेक्षा जास्त सोने बाळगल्या प्रकरणी अटक केली आहे.

एजन्सीने त्यांचे अघोषित सोने जप्त केल्यानंतर इतर 17 जणांना सोडून देण्यात आले आहे. सूत्रांनी दिलेल्या माहितीनुसार, या महिला कोणत्याही तस्करीच्या रॅकेटचा भाग नसल्याचं आतापर्यंतच्या तपासात निष्पन्न झालं आहे. त्या बहुतेक गरीब स्त्रिया आहेत. ज्यांनी केनियाहून कमी किमतीत सोने खरेदी केले आणि मुंबईत ते विकायचे होते, जिथे सोन्याची किंमत जास्त आहे, एका सूत्राने सांगितले. हेही वाचा Corona Vaccination: ठाण्यातील मुंब्य्रात आतापर्यंत फक्त 30 टक्के लोकांचे लसीकरण पुर्ण, शासनाने राबवली मोहीम