Block on Mumbai-Pune Expressway: मुंबई-पुणे द्रुतगती मार्गावर उद्या मेगाब्लॉक; हलक्या आणि जड वाहनांसाठी 'हा' असेल पर्यायी मार्ग

Block on Mumbai-Pune Expressway: महाराष्ट्र राज्य रस्ते विकास महामंडळ (MSRDC) ने हायवे ट्रॅफिक मॅनेजमेंट सिस्टीमद्वारे यशवंतराव चव्हाण मुंबई-पुणे द्रुतगती मार्गावर (Mumbai-Pune Expresswa) 15 किलोमीटर अंतरावर गॅन्ट्री बसवण्याचे नियोजन केले आहे. हे इंस्टॉलेशन 13 फेब्रुवारी 2024 रोजी दुपारी 12:00 ते दुपारी 2:00 दरम्यान करण्यात येणार आहे. गॅन्ट्री बसविण्याचे काम सुरळीतपणे पार पाडण्यासाठी, मुंबई कालव्यावरील हलक्या आणि जड दोन्ही वाहनांच्या वाहतुकीला पूर्णपणे बंदी असणार आहे. या वेळी वाहनधारकांना पर्यायी मार्गाने जाण्याचा सल्ला देण्यात आला आहे.

दरम्यान, पुण्याहून मुंबईकडे जाणाऱ्या हलक्या वाहनांसाठी मुंबई-पुणे राष्ट्रीय महामार्ग क्र. 48 खुला असणार आहे. पुणे-मुंबई द्रुतगती मार्गावर पुण्याहून मुंबईकडे जाणारी हलकी वाहने आणि बसेस खोपोली एक्झिटमधून राष्ट्रीय महामार्ग क्र. 48 वरून वळवण्यात येतील. त्यानंतर ते खोपोली मार्गे जुन्या पुणे-मुंबई महामार्गाने जातील.(हेही वाचा - GPS-Based Toll Collection: आता महामार्गावरील प्रवास आणखी सुकर होणार; भारत लवकरचं GPS-आधारित टोल संकलन प्रणाली लागू करणार)

तथापी, मेट्रो आणि उड्डाणपुलासाठी सुरू असलेल्या बांधकामामुळे पुणे शहर वाहतूक विभागाने पुणे विद्यापीठ रोड (गणेशखिंड रोड) वरील रहदारीच्या पद्धतींमध्ये महत्त्वपूर्ण बदल केले आहेत. या सुधारणांचा उद्देश गर्दी कमी करणे आणि वाहतुकीची कार्यक्षमता सुधारणे हा आहे. त्यामुळे आता शिवाजीनगरहून औंध किंवा हिंजवडी येथे जाण्यासाठी वाहनचालकांना आता एबीआयएल हाऊस येथून उजवे वळण घेऊन रेंज हिल्स रोड, सिम्फनी सर्कल, साई चौक (खडकी), डॉ. आंबेडकर चौक (बोपोडी), स्पायसर कॉलेजमार्गे ब्रेमेन सर्कलला जावे लागेल.(हेही वाचा -FASTag KYC Status Deadline: फास्टटॅग ची केवायसी आजचं करा पूर्ण अन्यथा होईल निष्क्रिय; पहा तुमचं KYC Status कसं तपासाल?)

याशिवाय, औंध किंवा हिंजवडी येथून शिवाजीनगर किंवा पुणे स्टेशनकडे जाताना प्रवाशांना ब्रेमेन सर्कल, स्पायसर कॉलेज, डॉ. आंबेडकर चौक, साई चौक, सिम्फनी सर्कल आणि रेंज हिल्स रोडमार्गे जावे लागेल. तथापी, BIL सर्कल येथे रेंज हिल्स वरून जाताना उजवीकडे वळण्याची परवानगी नाही.