Megablock 24th November 2019: मध्य , पश्चिम आणि हार्बर रेल्वे वर आज मेगाब्लॉक; पहा वेळापत्रक
Mumbai Local Train (Photo Credits: Instagram)

मुंबई लोकलच्या (Mumbai Local) मध्य (Central Railway), पश्चिम (Western Railway) आणि हार्बर रेल्वे (Harbour Railway) मार्गांवर विविध तांत्रिक कामानिमित्त आज 24 नोव्हेंबर रोजी रोजी सकाळपासून मेगाब्लॉकचे (Megablock) नियोजन करण्यात आले आहे. यामुळे लोकलच्या काही फेऱ्या रद्द राहतील तर अन्य ठिकाणी लोकलचा उशिराने धावणार असल्याचे रेल्वेतर्फे सांगण्यात आले आहे. प्राप्त माहितीनुसार , मध्य रेल्वे वर माटुंगा (Matunga) ते मुलुंड (Mulund) दरम्यान तर हार्बर मार्गावर चुनाभट्टी /वांद्रे - CSMT स्थानकात तसेच पश्चिम मार्गावर  बोरिवली (Borivali)  ते गोरेगाव (Goregaon) या स्थानकांच्या मध्ये ब्लॉकचे आयोजन करण्यात आले आहे. या मेगाब्लॉकचे संपूर्ण वेळापत्रक जाणून घ्या..

मध्य रेल्वे

मध्य रेल्वेच्या माटुंगा ते मुलुंड स्थानकाच्या डाऊन जलद मार्गावर सकाळी 10.30 ते 3.00 या वेळेत ब्लॉकचे आयोजन करण्यात आले आहे. परिणामी या मार्गावरील लोकलफेऱ्या या 20 ते 25 मिनिटे उशिराने असणार आहेत. नियमित स्थानकांच्या सोबतच या जलद गाड्या मुलुंड, भांडुप, विक्रोळी, घाटकोपर, कुर्ला येथे देखील थांबतील, तर ठाणे स्थानकानंतर या गाड्या पुन्हा डाऊन फास्ट मार्गावर वळवण्यात येतील.

हार्बर रेल्वे

हार्बर रेल्वे मार्गावर चुनाभट्टी/वांद्रे- सीएसएमटी स्थानकाच्या दरम्यान डाऊन मार्गावर 11.40 ते 4.10 दरम्यान तर तर सीएसएमटी- चुनाभट्टी/वांद्रे मार्गावर 11.10 ते 3.40 या वेळेत ब्लॉक असणार आहे. यावेळेत या मार्गावरील लोकल फेऱ्या पूर्णतः बंद असतील मात्र प्रवाशांच्या सोयीसाठी कुर्ला- पनवेल अशा विशेष लोकल सोडण्यात येणार आहेत. संध्याकाळी ६ वाजेपर्यंत आपल्या नियमित तिकिट/ पास वर प्रवासी या मार्गावरून प्रवास करू शकतील.

मध्ये रेल्वे ट्विट

पश्चिम रेल्वे

पश्चिम रेल्वे वर आज सकाळी 10.35 ते 03.35 दरम्यान बोरिवली ते गोरेगाव दरम्यान धीम्या मार्गावर ब्लॉकचे नियोजन करण्यात आले आहे. यावेळेत काही लोकल फेऱ्या रद्द राहणार असून अन्य गाड्या या बोरिवली गोरेगाव दरम्यान जलद मार्गावरून चालवण्यात येणार आहेत.

मध्य, पश्चिम आणि हार्बर रेल्वेच्या ब्लॉक दरम्यान प्रवाशांनी वेळापत्रक पाहूनच प्रवासाचे नियोजन करावे असा सल्ला रेल्वे प्रशासनाकडून देण्यात आला आहे.