सोलापूर: परिवारावर संकट येईल असे काम शरद पवार कधीच करत नाही- पंतप्रधान नरेंद्र मोदी

सोलापूर: पंतप्रधान नरेंद्र मोदी (Narendra Modi) यांची मंगळवारी (16 एप्रिल) सोलापूर (Solapur) येथे सभा आयोजित केली होती. त्यावेळी जनतेला संबोधित करताना विरोधी पक्षांवर टीका सुद्धा केली. खासकरुन राष्ट्रवादी (NCP) पक्षाचे सर्वेसर्वा शरद पवार (Sharad Pawar) यांच्यावर मोदी यांनी जोरदार टीका केली. मोदी सभेमध्ये शरद पवार यांच्यावर टीका करत असे म्हणाले की, 'जे लोक दिल्लीतील एसीच्या खोल्यांमध्ये बसून राहतात, त्यांना वास्तवाचा आधार नसतो. परंतु शरद पवार यांनी आगामी लोकसभा निवडणुक न लढवण्याचा निर्णय घेतला आहे त्याबद्दल मला माहिती आहे' असे विधान मोदी यांनी यावेळी केले आहे.

शरद पवार हे राजकरणातील मोठे खेळाडू असून त्यांना प्रत्येक गोष्टीची माहिती असते. तसेच आपल्याकडून झालेल्या कोणत्याही चुकीचा परिणाम स्वत:ला किंवा परिवाला होणार नाही याची ते पूर्ण खबरदारी घेतात असे नरेंद्र मोदी यांनी म्हटले आहे. मात्र बाकी गोष्टींसाठी ते सामना करण्यासाठी नेहमी तयार असतात.(हेही वाचा-Lok Sabha Election 2019: भाजपाच्या तिकीटावर उभे असलेल्या सुजय विखे पाटीलच्या प्रचारासाठी कॉंग्रेस नेते राधाकृष्ण विखे पाटील उतरले मैदानात)

सध्या निवडणुकीच्या पार्श्वभुमीवर राजकीय पक्ष एकमेकांवर टीका करताना दिसून येत आहेत. तर मोदी महाराष्ट्रात त्यांच्या प्रचारसभेतून आपल्या पक्षाला जास्त मत मिळण्यासाठी जोरदार प्रयत्न करत आहेत. मात्र विरोधकांकडून मोदी यांच्या गेल्या 5 वर्षातील कामांवर निशाणा साधून टीका केली जात आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)