पोलिसांच्या अनधिकृत पोस्टिंगसाठी Anil Deshmukh यांनी तयार केली होती यादी; ED ने आरोपपत्रात केला खुलासा
Anil Deshmukh | (Photo Credit- Credit -ANI / Twitter)

अंमलबजावणी संचालनालयाने (ED) महाराष्ट्राचे माजी गृहमंत्री अनिल देशमुख (Anil Deshmukh) यांनी पोलीस अधिकारी आणि अधिकाऱ्यांच्या नावांची यादी तयार केल्याचे उघड झाले आहे. ईडीच्या आरोपपत्रानुसार, देशमुख यांनी पोलिस अधिकाऱ्यांची यादी आणि त्यांचा ठावठिकाणा पाठवल्याचे मान्य केले आहे. त्यांची एसीएस (अतिरिक्त मुख्य सचिव, गृह विभाग) आणि पोलिस आस्थापना मंडळाच्या (पीईबी) प्रमुखपदी बदली होणार होती. देशमुख यांची कथित भ्रष्टाचार आणि खंडणीप्रकरणी चौकशी सुरू आहे. इंडिया टुडे मधील वृत्तानुसार, सचिन वाझे यांना 16 वर्षांच्या निलंबनानंतर पुन्हा सेवेत आणण्यात देशमुख यांचा मोठा हात असल्याचा दावा ईडीने केला आहे. सहाय्यक पोलिस निरीक्षक वाझे यांना मुंबई पोलिसांच्या क्राइम इंटेलिजन्स युनिटचे (सीआययू) प्रमुख करण्यात आले. त्याच्यामार्फत पैसे उकळल्याबद्दल त्याला अनेक खळबळजनक तपासाची जबाबदारी देण्यात आली होती.

ईडीच्या तपासात असेही समोर आले आहे की, देशमुख नियमितपणे वाझे यांना त्यांच्या शासकीय निवासस्थानी फोन करून विविध बाबींची माहिती आणि निर्देश देत होते. देशमुख यांनी वाझे यांना मुंबईतील 1,750 बार आणि रेस्टॉरंटमधून पैसे गोळा करण्याचे निर्देश दिल्याचे ईडीच्या तपासातून समोर आले आहे. (वाचा - Ajit Pawar On Wine Decision: वाईन आणि दारू यात जमीन-आस्मानाचा फरक, पण काही लोक सरकारला बदनाम करत आहेत-अजित पवार)

देशमुख यांच्या आदेशानंतर सचिन वाझे बारमालकांना त्रास देत असे आणि कोरोनाच्या काळात प्रत्येकी तीन लाख रुपये देण्यासाठी बारमालकांवर दबाव आणत होते, असा दावाही आरोपपत्रात करण्यात आला आहे. अहवालानुसार, वाझे यांनी डिसेंबर 2020 ते फेब्रुवारी 2021 या कालावधीत ऑर्केस्ट्रा बार मालकांकडून 4.70 कोटी रुपये जमा केले होते.

गेल्या वर्षी डिसेंबरमध्ये, ईडीने या प्रकरणासंदर्भात गेल्या महिन्यात 7,000 पानांचे पुरवणी आरोपपत्र दाखल केले होते. देशमुख यांच्याशिवाय तपास यंत्रणेने त्यांच्या दोन मुलांचीही या प्रकरणात आरोपी म्हणून समावेश केला आहे. यापूर्वी, तपास यंत्रणेने देशमुख यांचे खाजगी सचिव (अतिरिक्त जिल्हाधिकारी दर्जाचे अधिकारी) संजीव पालांडे आणि स्वीय सहाय्यक कुंदन शिंदे यांच्यासह 14 आरोपींविरुद्ध आरोपपत्र दाखल केले होते. देशमुख यांना ईडीने गेल्या वर्षी 1 नोव्हेंबर रोजी अटक केली होती. सध्या ते न्यायालयीन कोठडीत आहेत.