Eggs Increased In Mumbai: मुंबईत अंड्यांची किंमत वाढली, भाव 500 रुपयांवर पोहोचला
अंड्यांची मागणी जास्त असल्याने घाऊक बाजारात त्याचा भाव 500 रुपयांवर पोहोचला आहे. त्याचबरोबर किरकोळ बाजारात 650 रुपयांपर्यंत वाढ झाली आहे. मात्र, गेल्या वर्षीच्या तुलनेत यंदा नोव्हेंबरमध्ये अंड्यांच्या दरात (Egg Price) 110 रुपयांची घट दिसून येत आहे.
नोव्हेंबर अखेरपर्यंत थंडी नव्हती. मात्र आता मुंबईत (Mumbai) थंडीचा प्रकोप वाढू लागला आहे. त्याचबरोबर मुंबईत अंड्याची (Egg) मागणी वाढू लागली आहे. अंड्यांची मागणी जास्त असल्याने घाऊक बाजारात त्याचा भाव 500 रुपयांवर पोहोचला आहे. त्याचबरोबर किरकोळ बाजारात 650 रुपयांपर्यंत वाढ झाली आहे. मात्र, गेल्या वर्षीच्या तुलनेत यंदा नोव्हेंबरमध्ये अंड्यांच्या दरात (Egg Price) 110 रुपयांची घट दिसून येत आहे. डिसेंबरमधील वाढत्या थंडीमुळे घाऊक बाजारात 100 अंड्यांच्या दरात 50 रुपयांनी वाढ झाली आहे, तर किरकोळ बाजारातही 150 रुपयांनी वाढ झाली आहे. नोव्हेंबरमध्ये अंड्याच्या विक्रीत मोठी घट झाली आहे. विक्रीत दररोज 35 लाख अंड्यांचा तुटवडा असला तरी, डिसेंबरच्या सुरुवातीपासून दैनंदिन मागणीत 40 लाख अंड्यांची वाढ झाली आहे.
मुंबईत हैदराबाद, कर्नाटक आणि महाराष्ट्राच्या विविध भागातून व्यापारी अंड्याची मागणी करतात. यावर्षी नोव्हेंबरमध्ये अंडी उत्पादनात मोठी वाढ झाल्याने दर कमी झाले होते. परंतु आता डिसेंबरमध्ये दर वाढताना दिसत आहेत.व्यापारी सांगतात की अंडी आंध्र प्रदेश आणि कर्नाटकातून आयात केले जाते, परंतु पुणे, सांगली आणि राज्यातील इतर जिल्ह्यातूनही कोंबडी आयात केली जात आहे. हेही वाचा Aurangabad: स्पर्धा परीक्षेची तयारी करत असलेल्या 22 वर्षीय तरुणाची गळफास घेऊन आत्महत्या
किरकोळ बाजारात अंड्यांचे भाव वाढत असल्याचे शेतकऱ्यांचे म्हणणे आहे. त्याचा फारसा फायदा शेतकऱ्यांना होत नाही. कारण खर्चही झपाट्याने वाढला आहे. सध्या किरकोळ बाजारात डझन अंड्यासाठी ग्राहक 72 रुपये मोजत आहेत.अर्थात एका अंड्याची किंमत 6 रुपये आहे.तर गेल्या महिन्यात डझनभर अंड्याची किंमत 65 रुपये होती. दरवर्षी थंडीची चाहूल लागताच किमतीत चढ-उतार पाहायला मिळतात.
नोव्हेंबरच्या तुलनेत सध्या अंड्याची मागणी जास्त आहे. मात्र, गेल्या वर्षी कोरोनाच्या काळात किरकोळ विक्रेत्यांकडून मागणीत मोठी वाढ झाली होती. दररोज 80 ते 90 लाख अंडी विकली जात होती. कोरोनाच्या काळात रोग प्रतिकारशक्ती वाढल्याने अंड्यांची मागणी वाढली होती.आता गेल्या महिन्यात 45 लाख अंड्यांची विक्री झाली होती, आता थंडीमुळे अंड्यांचा भाव वाढला आहे.किरकोळ बाजारात 100 अंड्यांची किंमत 650 रुपये झाली आहे.