मुंबईत पुन्हा वाढणार 'ऑक्टोबर हीट' : मुंबई वेधशाळेचा अंदाज

ऑक्टोबर हीटला मुंबईत सुरूवात झाली आहे. मागील आठड्यात मुंबईकर उन्हाच्या चटक्याने होरपळले होते. कमाल 37 डिग्री सेल्सियसवर गेलेला पार मागील काही काही दिवसात खालावला आहे. मात्र पुन्हा मुंबईकरांना कडक उन्हाच्या झळांचा सामना करावा लागण्याची शक्यता आहे.

मुंबई वेधशाळेने वर्तवलेल्या अनुमानानुसार, मुंबईत पुन्हा ऑक्टोबर हीटचा पारा चढणार आहे. सध्या सायक्लोनच्या तडाख्यामुळे मुंबईतील वातावरण थोडं खालावले आहे. मागील आठवड्यात 37 वर पोहचलेला तापमानाचा पारा सध्या 34 डिग्री सेल्सियसवर आला आहे. मात्र भविष्यात तो पुन्हा वाढण्याची शक्यता आहे.

वातावरण सतत होणार्‍या या बदलांमुळे अनेक मुंबईकर सर्दी, खोकला आणि तापाने बेजार झाले आहेत. ऐन सणासुदीच्या काळात वाढणारं आजारपण आटोक्यात ठेवायचं असेल तर संतुलित आहाराचा समावेश करा. उन्हात बाहेर पडताना पुरेशी काळजी घ्या. सर्दी तापाची लक्षण सौम्य असतानाच डॉक्टरांचा सल्ला घेणं आवश्यक आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)