Mumbai Fraud: मुंबईमध्ये एलपीजी गॅस कंपनीचा ग्राहक संबंध सहाय्यक असल्याचा दावा करत एका व्यक्तीची 2.06 लाखांची फसवणूक

मुंबईतील (Mumbai) एका एलपीजी गॅस (LPG Gas) कंपनीचा ग्राहक संबंध सहाय्यक असल्याचा दावा करत एका व्यक्तीची फसवणूक (Fraud) केली आहे. ऑनलाइन फसवणुकदाराने (Online Fraud) खेड (Khed) तालुक्यातील कंपनीच्या सीएनजी (CNG) युनिटसाठी वितरक म्हणून नियुक्ती केल्याचा खोटा दावा करून पुण्यातील एका शेतकऱ्याकडून (Farmer) 2.06 लाख रुपयांची फसवणूक केली.  पीडितेने गुरुवारी चाकण पोलिस ठाण्यात (Chakan Police Station) फिर्याद दिली आहे. पोलिसांनी सांगितले की, फसवणूक करणार्‍याने सुरुवातीला तक्रारदाराशी त्याच्या मोबाइल फोन नंबरवर संदेश पाठवून आणि कॉल करून संपर्क साधला. हेही वाचा Maharashtra Vidhan Parishad Elections: कोल्हापूर च्या जागेवर सतेज पाटील यांची बिनविरोध निवड; अमल महाडिक यांनी अर्ज घेतला मागे

एलपीजी गॅस कंपनीचा ग्राहक संबंध सहाय्यक असल्याचा दावा करून फसवणूक करणाऱ्याने तक्रारदाराची खेडमधील कंपनीच्या सीएनजी युनिटसाठी वितरक म्हणून निवड केल्याचे सांगितले. फसवणूक करणार्‍याने या संदर्भात तक्रारदाराला ईमेल केला. तक्रारकर्त्याला विश्वासात घेतल्यानंतर, त्याला विविध कारणांसाठी  हिंदुस्तान पेट्रोलियम कॉर्पोरेशन लिमिटेड (HPCL) मुंबईचे बँक खात्यात पैसे हस्तांतरित करण्यास सांगितले गेले.

डिसेंबर 2020 पासून तक्रारदाराने अनेक व्यवहारांमध्ये एकूण 2,06,910 रुपये खात्यात हस्तांतरित केले. परंतु त्यांना आश्वासन दिलेले काम कधीही मिळाले नाही. त्यानंतर त्याला आपली फसवणूक झाल्याचे लक्षात आले. त्याने लगेच पोलिस ठाण्यात धाव घेतली. घडलेला सर्व प्रकार पोलिसांना सांगितला. या प्रकरणी पोलिस अधिक तपास करत आहे.

(The above story first appeared on LatestLY on Nov 26, 2021 04:02 PM IST. For more news and updates on politics, world, sports, entertainment and lifestyle, log on to our website latestly.com).