Corona Virus Update: मुंबईत लॉकडाऊनच्या भीतीने परप्रांतीय मजुरांचे पलायन सुरू, अफवांना बळी न पडण्याचे प्रशासनाचे आवाहन

देशभरात पुन्हा एकदा कोरोनाचा संसर्ग (Corona Virus) झपाट्याने वाढत आहे. महाराष्ट्रात गेल्या चोवीस तासांत 40 हजारांहून अधिक रुग्ण आढळून आले असून, त्यापैकी 20 हजारांहून अधिक कोरोना रुग्ण एकट्या मुंबईतून समोर येत आहेत. काही दिवसांपूर्वी मुंबईच्या महापौर किशोरी पेडणेकर आणि बीएमसी आयुक्त इक्बाल सिंग चहल यांनी स्पष्टपणे सांगितले होते की, ज्या दिवसापासून मुंबईत दररोज 20 हजारांहून अधिक केसेस येऊ लागतील. त्या दिवसापासून मुंबईत लॉकडाऊन (Lockdown) तात्काळ लागू करण्यात  येईल. अशा परिस्थितीत मुंबईतील लॉकडाऊन जवळपास निश्चित झाल्याची भीती लोकांच्या मनात वाढली आहे. या भीतीमुळे पुन्हा एकदा मुंबईतील परप्रांतीय मजुरांनी आपापल्या गावाच्या दिशेने प्रवास सुरू केला आहे.

दरम्यान, मुंबईच्या कुर्ला लोकमान्य टिळक टर्मिनसचा एक जुना व्हिडिओ सोशल मीडियावर व्हायरल होत आहे. मुंबईसह महाराष्ट्रात पुन्हा एकदा लॉकडाऊनच्या भीतीने कुर्ला टर्मिनसवर मोठ्या संख्येने परप्रांतीय मजूर आपापल्या गावी जाण्यासाठी जमा होत आहेत. दररोज सकाळी 11 ते 12 या वेळेत मुंबईहून वेगवेगळ्या राज्यांमध्ये 6 ट्रेन धावतात. तत्काळ या गाड्यांमध्ये तिकीट काढून मोठ्या संख्येने मजूर आपापल्या गावी जात आहेत.

गेल्या काही दिवसांपासून रनिंग तिकीट घेऊनही गाड्यांमध्ये जाण्याची परवानगी दिली जात आहे. कोरोनाच्या काळात सामाजिक अंतर लक्षात घेऊन अनारक्षित तिकिटांवर प्रवास करण्यास बंदी घालण्यात आली होती. मुंबईबाहेर जाणाऱ्या या गाड्यांवर जाण्यासाठी कामगार येथे जमा होत आहेत. रेल्वे सूत्रांकडून मिळालेल्या माहितीनुसार, ज्यांच्याकडे तिकीट आहे, त्यांना कोरोना नियमांचे पालन करून जाण्याची परवानगी दिली जात आहे.

दरम्यान, मुंबई महापालिका आयुक्त इक्बाल सिंग चहल यांनी आता सलग दुसऱ्या दिवशी मुंबईत कोरोना बाधितांची संख्या 20 हजारांहून अधिक झाल्यामुळे लॉकडाऊन लागू होण्याची शक्यता स्पष्ट केली आहे. मुंबईत सध्या लॉकडाऊनची गरज नसल्याचे त्यांनी म्हटले आहे. झपाट्याने वाढलेले कोरोनाचे रुग्ण येत्या दहा दिवसांत कमी होतील. हेही वाचा BMC Mayor On BJP: गांजा पिऊन खुर्चीत बसूुन विरोधकांवर टीका करणं सोपं आहे, महापौर किशोरी पेडणेकरांचा भाजपवर निशाणा

इक्बाल सिंग चहल म्हणाले की, मुंबईत एका दिवसात 20 हजारांहून अधिक कोरोना रुग्ण आढळले आहेत. त्यापैकी केवळ 110 लोक ऑक्सिजन बेडवर आहेत. 1980 लोकांना रुग्णालयात दाखल करण्यात आले आहे. 35 हजार खाटांपैकी केवळ 5999 खाटाच भरल्या आहेत. म्हणजेच 84 टक्के खाटा रिकाम्या आहेत. ऑक्सिजनचा वापर नगण्य आहे. त्यामुळे मुंबईत सध्या लॉकडाऊनची गरज नाही.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)