Coronavirus Outbreak | Representational Image | (Photo Credits: IANS)

परिचारिकेची कोरोना व्हायरस (Coronavirus) चाचणी पॉझिटिव्ह आढळल्यानंतर दिल्लीतील (Delhi) हिंदुराव रुग्णालय (Hindu Rao Hospital) बंद करण्यात आले. ही परिचारिका गेल्या 2 आठवड्यांपासून रुग्णालयात वेगवेगळ्या ठिकाणी कार्यरत होती. त्यामुळे, रुग्णालय पूर्णपणे स्वच्छ होईपर्यंत आणि संपर्क कॉन्टेक्ट ट्रेसिंगची प्रक्रिया पूर्ण होईपर्यंत रुग्णालय बंद करण्याचा निर्णय घेतण्यात आला आहे. अधिकाऱ्यांनी याबाबत माहिती दिली. "उत्तर दिल्ली महानगरपालिका संचलित हिंदूराव रुग्णालय स्वच्छता आणि संपर्क शोधण्यासाठी तात्पुरते बंद करण्यात आले आहे," अधिकाऱ्यांनी सांगितले. शनिवारी राष्ट्राच्या राजधानीत कोरोना व्हायरसचे एकूण 2625 रुग्नांची नोंद झाली. एका दिवसात 111 नवीन रुग्णांची भर पडली. शिवाय, एक मृत्यूचीही नोंद झाली. (Coronavirus In India: भारतात कोरोना व्हायरस संक्रमितांचा आकडा 24,942 वर; गेल्या 24 तासांत 1490 रुग्णांची नोंद)

"शनिवारी सायंकाळी उशिरा हिंदुराव रुग्णालयात ड्यूटीवर कार्यरत एक परिचारिकाची कोविड-19 चाचणी सकारात्मक आढळली. गेल्या दोन आठवड्यांपासून ती कॅम्पसमधील विविध ठिकाणी ड्युटीवर कार्यरत आहे, त्यामुळे आम्ही पूर्णपणे स्वच्छता आणि कॉन्टेक्ट ट्रेसिंगची प्रक्रिया पूर्ण होई पर्यंत रुग्णालय बंद करीत आहोत," असे एनडीएमसी आयुक्त वर्षा जोशी यांनी पीटीआयला सांगितले. "आत्ता फक्त काही रुग्णांना स्त्रीविज्ञान वार्डात दाखल केले असून त्यांच्यासाठी योग्य ती व्यवस्था केली जाईल," असेही त्या म्हणाल्या.'

दरम्यान, एनडीएमसीच्या अधिकाऱ्यांनी सांगितले की, डीबीसी कर्मचाऱ्यांच्या चाचणी अहवालात परस्परविरोधी घटना आल्या आहेत, त्यामुळे शनिवारी हिंदू कामगार रुग्णालयात अनेक कामगारांची पुन्हा चाचणी घेण्यात आली असून, त्याचा निकाल रविवारी येईल. हे लोक तिकोना पार्क परिसरातील कम्युनिटी हॉलमध्ये राहत आहेत आणि चाचणी निकाल येईपर्यंत त्यांनी घरी न जाण्याची निवड केली आहे. दिल्लीतील सरकारी रुग्णालयात 11 डॉक्टरांसह 31 कर्मचार्‍यांना कोरोना विषाणूची आतापर्यंत लागण झाली आहे. केंद्र सरकारने 24 मार्च ते 15 एप्रिलच्या मध्यरात्रीपर्यंत देशव्यापी लॉकडाउन लागू केले, ज्याचा कालावधी नंतर 3 मेपर्यंत वाढविण्यात आला.