सांगली-कोल्हापूर महापूर पूनरावृत्ती टाळण्यासाठी प्रशासनाला सूचना; मुख्यमंत्री उद्धव ठाकरे यांच्याकडून आपत्ती व्यवस्थापनाचा मान्सूनपूर्व आढावा

Sangli Kolhapur Flood: गेल्या वर्षीप्रमाणे सांगली-कोल्हापूरला यंदा पुराचा फटका बसू नये. यासाठी धरणातून सोडण्यात येणाऱ्या पाण्याचे योग्य नियोजन व्हावे. अलमट्टी धरणातील पाण्याबाबत तेथील विभागाशी आत्तापासून समन्वय ठेवावा, असे आदेश मुख्यमंत्री उद्धव ठाकरे (Chief Minister Uddhav Thackeray) यांनी प्रशासनाला दिले आहेत. मुख्यमंत्री उद्धव ठाकरे यांनी आपत्ती व्यवस्थापन (Disaster Management) मान्सूनपूर्व आढावा व्हिडीओ कॉन्फरन्सद्वारे घेतला या वेळी ते बोलत होते. या आढावा बैठकीस आपत्ती उपमुख्यमंत्री अजित पवार, आपत्ती व्यवस्थापन मंत्री विजय वडेट्टीवार यांच्यासह मुख्य सचिव अजोय मेहता, तसेच रेल्वे, विविध संरक्षण दलांचे प्रतिनिधी सहागी होते.

या वेळी बोलताना मुख्यमंत्री उद्धव ठाकरे यांनी सांगितले की, मुंबईत 2005 मध्ये आलेल्या पुरानंतर आपण अधिक काळजीपूर्वक व सुविधानिशी काम करू लागलो आहोत. त्यामुळे नाले सफाई, त्यांचे खोलीकरण, वेळीच पाणी निचरा होण्यासाठी आवश्यक ती कामे पूर्ण करा. पावसाळ्यात पंपिंग स्टेशन व्यवस्थित चालली पाहिजेत. पाण्याचा निचरा करणारे पाईप्स मोकळे आहेत का तेही पाहा, असे मुख्यमंत्री उद्धव ठाकरे यांनी सांगितले.

शहरी व ग्रामीण भागात कोणत्याही परिस्थितीत रस्त्यांवर खड्डे पडू न देणे. पडले तर तत्काळ बुजविणे महत्त्वाचे आहे. दुर्गम भागात पावसाळ्यापूर्वी अन्नधान्य, औषधींचा पुरेसा पुरवठा करा. विभाग व जिल्हावार बैठकांमध्ये डॉक्टर्सना सहभागी करून पावसाळ्यातील रोगांसंदर्भात नियोजन करा, असेही मख्यमंत्री या वेळी म्हणाले. (हेही वाचा, Mumbai Monsoon 2020 Date: मुंबईत जून च्या दुसऱ्या आठवड्यात 'या' दिवशी मान्सून दाखल होणार; हवामान खात्याचा अंदाज)

ट्विट

दरम्यान, राज्यात सरासरी किंवा त्यापेक्षा जास्त पाऊस, 1 ते 2 जूनला संपूर्ण महाराष्ट्रात मान्सूनपूर्व पाऊस पडू शकतो असा अंदाज हवामान विभागाने या आधीच व्यक्त केला आहे. तसेच अल निनोचा महाराष्ट्रावर फारसा प्रभाव पडणार नाही. मराठवाड्यात सर्वसामान्य तर विदर्भात सामान्यापेक्षा कमी पाऊस होईल. राज्यात 11 जून रोजी पाऊस येण्याचाही अंदाज व्यक्त करण्यात आला आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)