Corona Spread On Festivals: दहीहंडी आणि गणेशोत्सवात होणारी गर्दी टाळा, केंद्र सरकारने दिला महाराष्ट्र सरकारला सल्ला

आता महाराष्ट्रात (Maharashtra) सणांचा (Festival) हंगाम सुरु होणार आहे.  केंद्राने राज्य सरकारला (State Government) कोविड -19 चा (Corona virus) प्रसार रोखण्यासाठी या सणांवर स्थानिक मेळाव्यांवर निर्बंध घालण्याचा विचार करण्यास सांगितले आहे. येत्या काळात दही हंडी (Dahi Handi) आणि गणपती उत्सव होणार असल्याचे केंद्राने (Central Government) म्हटले आहे. अशा परिस्थितीत गर्दी जमू शकते. म्हणून राज्य सरकारने स्थानिक पातळीवर गर्दी आणि मोठ्या सार्वजनिक कार्यक्रमांवर बंदी घातली पाहिजे. महाराष्ट्राच्या मुख्य सचिवांना लिहिलेल्या पत्रात केंद्रीय आरोग्य सचिव राजेश भूषण (Rajesh Bhushan) म्हणाले की, गेल्या एका महिन्यात दैनंदिन प्रकरणांची संख्या कमी झाली आहे. परंतु महाराष्ट्रातील काही जिल्हे आहेत ज्यात संक्रमणाची प्रकरणे वाढत आहेत. भूषण म्हणाले की, आपत्ती व्यवस्थापन अधिनियम 2005 अंतर्गत गृह मंत्रालयाने निर्देश जारी केले होते.

या आदेशात महाराष्ट्रातील आगामी सणांमध्ये ज्यात दही हंडी आणि गणपती महोत्सवांचा समावेश आहे. सार्वजनिक कार्यक्रम आणि लोकांचा मेळावा पाहता राज्य सरकार स्थानिक निर्बंध लादू शकते,असे ते म्हणाले. शुक्रवारी महाराष्ट्रात कोरोना विषाणूच्या संसर्गाची 4,654 नवीन प्रकरणे समोर आली आहेत. त्याच वेळी, कोविड -19 च्या 170 रुग्णांचा याच काळात मृत्यू झाला. गेल्या 24 तासांत राज्यात 3,301 रुग्ण संसर्गमुक्त झाले आहेत. हेही वाचा MPSC Twitter Handle: महाराष्ट्र लोकसेवा आयोग कार्यालयाचे एमपीएससी विद्यार्थ्यांसाठी अधिकृत ट्विटर हँडल

महाराष्ट्रात सध्या 51,574 सक्रिय रुग्ण आहेत. मुंबईत गेल्या 24 तासांमध्ये संक्रमणाची 362 नवीन प्रकरणे नोंदवली गेली आहेत. तर याच कालावधीत पाच रुग्णांचा मृत्यू झाला आहे. जालना, अकोला, वर्धा, गोंदिया, भंडारा आणि नागपूर जिल्ह्यात गेल्या २४ तासांमध्ये संक्रमणाची कोणतीही नवीन प्रकरणे आढळली नाहीत. असे अधिकाऱ्याने सांगितले.

गेल्या काही दिवसांपासून मुंबईत कोरोना विषाणूच्या रुग्णांमध्ये वाढ झाली आहे. अशा परिस्थितीत, बीएमसीने मुंबईच्या लोकांना आवाहन केले आहे की जर ते कोणत्याही संक्रमित व्यक्तीच्या संपर्कात आले किंवा कोरोनाची लक्षणे दिसली तर त्यांनी त्यांची कोरोना चाचणी त्वरित करावी. बीएमसीने आपल्या निवेदनात म्हटले आहे की, कोरोना महामारीची संभाव्य तिसरी लाट आणि निर्बंधांमध्ये शिथीलता पाहता चाचणीचे नियम  संपूर्ण मुंबईत काटेकोरपणे लागू केले पाहिजेत. बीएमसीने म्हटले आहे की, संक्रमणाचा प्रसार रोखण्याव्यतिरिक्त, रुग्णाच्या पुनर्प्राप्तीसाठी आणि कमी  रुग्णालयात दाखल करण्यासाठी लवकर चाचणी करणे देखील आवश्यक आहे. निवेदनात म्हटले आहे की लसीकरणाद्वारे साथीचा रोग थांबवता येतो.

(The above story first appeared on LatestLY on Aug 28, 2021 10:56 AM IST. For more news and updates on politics, world, sports, entertainment and lifestyle, log on to our website latestly.com).