Thane: ठाण्यात अल्पवयीन मुलीला जबरदस्तीने वेश्या व्यवसायात ढकलल्याप्रकरणी चौघांविरुद्ध गुन्हा दाखल

Thane: ठाणे (Thane) शहरात एका मुलीची तस्करी करून तिला वेश्याव्यवसाय (Prostitution) करण्यास भाग पाडल्याप्रकरणी चार जणांविरुद्ध गुन्हा (FIR) दाखल करण्यात आला आहे. पोलिसांनी शनिवारी ही माहिती दिली. मुंब्रा पोलिसांनी शुक्रवारी भारतीय दंड संहिता, लैंगिक गुन्ह्यांपासून मुलांचे संरक्षण (POCSO) कायद्याच्या संबंधित कलमांतर्गत गुन्हा दाखल केला. यासंदर्भात एका अधिकाऱ्याने माहिती दिली.

एफआयआरनुसार, पीडितेने आरोप केला की, ती आर्थिक संकटाचा सामना करत असताना कोविड-19 साथीच्या काळात एका संस्थेशी संबंधित महिलेच्या संपर्कात आली होती. (हेही वाचा -Gang Rape in Mumbai Case: सामुहिक बलात्काराच्या घटनेनं मुंबई पुन्हा हादरली; 15 वर्षीय मुलीवर मित्रासह 6 जणांकडून बलात्कार)

पीडित महिलेने असा दावा केला आहे की, या महिलेने मे ते जुलै 2020 दरम्यान इतर तीन आरोपींमार्फत तिला दररोज 5,000 रुपयांचा वेश्याव्यवसाय करण्यास भाग पाडले. पोलिस या घटनेचा अधिक तपास करत आहेत. (हेही वाचा - Gang Rape in Palghar: सोळा वर्षीय मुलीवर 11 जणांकडून सामूहिक बलात्कार; 8 जणांना अटक, पालघर जिल्ह्यातील सातपाटी येथील घटना)

दरम्यान, सर्वोच्च न्यायालयाने आपल्या एका महत्त्वाच्या आदेशात म्हटले आहे की, वेश्याव्यवसाय हा देखील एक व्यवसाय आहे, अशा परिस्थितीत स्वत:चा मुक्त व्यवसाय करणाऱ्या सेक्स वर्कर्सना सन्मानपूर्वक जीवन जगण्याचा अधिकार आहे. त्यामुळे पोलिसांनी कायदेशीर कारवाई करू नये. या प्रकरणी सर्वोच्च न्यायालयाने केंद्र आणि राज्य सरकारसह पोलिसांना अनेक मार्गदर्शक सूचना जारी केल्या आहेत.