Antilia Bomb Case: 'अँटिलिया' बॉम्ब प्रकरणी बडतर्फ पोलीस कर्मचारी रियाजुद्दीन काझीला मुंबई उच्च न्यायालयाकडून जामीन मंजूर
बडतर्फ पोलीस कर्मचारी रियाजुद्दीन याने मुंबई उच्च न्यायालयात जामिनासाठी याचिका दाखल केली होती. निकाल देताना न्यायालयाने त्यांना 25 हजार रुपयांच्या जामिनावर जामीन मंजूर केला.
Antilia Bomb Case: मुंबई उच्च न्यायालयाने (Bombay High Court) शुक्रवारी निलंबित सहायक पोलीस निरीक्षक रियाजुद्दीन काझी (Riyazuddin Kazi) यांना जामीन मंजूर केला. काझी सध्या अँटिलिया बॉम्ब प्रकरणी (Antilia Bomb Case) तुरुंगात आहेत. बडतर्फ पोलीस कर्मचारी रियाजुद्दीन याने मुंबई उच्च न्यायालयात जामिनासाठी याचिका दाखल केली होती. निकाल देताना न्यायालयाने त्यांना 25 हजार रुपयांच्या जामिनावर जामीन मंजूर केला. काझी यांना जामिनाची अट म्हणून पासपोर्ट जमा करावा लागणार आहे.
पोलीस सेवेतून बडतर्फ
उद्योगपती मुकेश अंबानी यांच्या निवासस्थानाजवळ एका वाहनात स्फोटके सापडल्याची रियाजुद्दीन काझीची भूमिका समोर आली आहे. त्याच बरोबर सचिन वाजेसह हिरेन खून प्रकरणात पुरावे नष्ट करण्याच्या कथित भूमिकेसाठी मनसुखला अटक करण्यात आली. या प्रकरणातील इतर आरोपी पोलिसांप्रमाणे काझीलाही एनआयएने अटक केल्यानंतर सेवेतून बडतर्फ करण्यात आले. कलम 120B (षड्यंत्र) 201 (पुरावा नष्ट करण्यासाठी) अंतर्गत काझी विरुद्ध गुन्हा दाखल करण्यात आला. (हेही वाचा - Antilia Bomb Scare Case: परमबीर सिंह हेच अँटिलीया प्रकरणाचे मास्टरमाईंड; माजी गृहमंत्री अनिल देशमुख यांचा जबाब)
25 फेब्रुवारी 2021 रोजी उद्योगपती मुकेश अंबानी यांचे घर असलेल्या अँटिलिया बाहेर स्फोटकांनी भरलेली एक स्कॉर्पिओ सापडली. आत अंबानी कुटुंबासाठी लिहिलेले धमकीचे आणि काही नंबर प्लेट्स सापडल्या. ज्या अंबानींच्या ताफ्यातील वाहनांसारख्या होत्या. (हेही वाचा - Antilia Bomb Scare Case: अँटिलिया स्फोटक प्रकरणी नवाब मलिक यांचा सूचक इशारा म्हणाले, 'आणखी धक्कादायक माहिती बाहेर येणार')
दरम्यान, 27 फेब्रुवारी रोजी ठाण्यात राहणारे कार स्पेअर पार्ट्सचे दुकान मालक मनसुख हिरेन यांनी स्कॉर्पिओ गाडी आपली असल्याचा दावा केला. त्यांनी सांगितले की, 17 फेब्रुवारीला तांत्रिक बिघाडामुळे त्यांनी आपली कार विक्रोळी येथे सोडली होती. त्यानंतर 5 मार्च रोजी मनसुखचा मृतदेह मुंब्रा खाडीत संशयास्पद अवस्थेत आढळून आला होता.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)