Arvind Kejriwal Meets Uddhav Thackeray: अरविंद केजरीवाल आणि भगवंत मान यांनी उद्धव ठाकरेंची घेतली भेट, 'याविषयी' झाली चर्चा

दिल्लीचे मुख्यमंत्री अरविंद केजरीवाल (Arvind Kejriwal) यांनी शुक्रवारी मुंबईत उद्धव ठाकरे (Uddhav Thackeray) यांची भेट घेतली. अरविंद केजरीवाल महाराष्ट्राच्या माजी मुख्यमंत्र्यांची भेट घेण्यासाठी मातोश्रीवर पोहोचले. अरविंद केजरीवाल यांच्यासोबत पंजाबचे मुख्यमंत्री भगवंत मान (Bhagwant Mann), आपचे राज्यसभा खासदार संजय सिंह आणि राघव चढ्ढा होते. 2024 च्या लोकसभा निवडणुकीत विरोधकांना एकत्र आणण्याबाबत दोन्ही नेत्यांमध्ये चर्चा झाली. या भेटीनंतर अरविंद केजरीवाल यांनी उद्धव ठाकरे यांची भेट घेतल्याचे सांगितले. अनेक दिवसांपासून उद्धव ठाकरे आणि आदित्य ठाकरे यांना भेटण्याची इच्छा होती.

हे नाते आम्ही पुढे नेऊ. उद्धवजी हे सिंहाचे पुत्र आहेत. उद्धव ठाकरेंना न्याय मिळेल, अशी आशा आहे. देशातील अनेक प्रश्नांवर चर्चा झाली. हे नाते आम्ही पुढे नेऊ, असे केजरीवाल म्हणाले. केंद्रावर हल्लाबोल करताना केजरीवाल म्हणाले की, भाजप फक्त गुंडगिरी करतो. ईडी आणि सीबीआयचा वापर भ्याड लोक करतात. दिल्लीच्या जनतेने आम्हाला एमसीडीमध्ये बहुमत दिले. स्थायी समितीत आमचे बहुमत आहे. या देशात पक्ष फक्त निवडणुकीचा विचार करतो.

यावेळी उद्धव ठाकरे यांचे पुत्र आणि महाराष्ट्राचे माजी मंत्री आदित्य ठाकरे हेही उपस्थित होते. या बैठकीत काँग्रेसला सोबत घेऊन आघाडी कशी मजबूत करता येईल यावर चर्चा झाल्याचे सूत्रांच्या हवाल्याने सांगण्यात येत आहे. विशेष म्हणजे मार्चच्या अखेरीस उद्धव ठाकरे मुंबईत विरोधी पक्षनेत्यांची मोठी बैठक आयोजित करण्याच्या तयारीत आहेत. हेही वाचा Arvind Kejriwal Met Uddhav Thackeray: अरविंद केजरीवाल, भगवंत मान यांनी मातोश्रीवर घेतली उद्धव ठाकरेंची भेट, पहा फोटोज

निवडणूक आयोगाने नुकतेच एकनाथ शिंदे गटालाच खरी शिवसेना मानून धनुष्यबाण हे निवडणूक चिन्हही दिले होते. या निर्णयानंतर महाराष्ट्राच्या राजकारणात खळबळ उडाली आहे. निवडणूक आयोगाच्या निर्णयावर उद्धव ठाकरे गटाने नाराजी व्यक्त करत सर्वोच्च न्यायालयात धाव घेतली आहे. उद्धव ठाकरे म्हणाले होते की, सर्व काही चोरून नेले आहे. तर दुसरीकडे एकनाथ शिंदे यांच्याकडून निवडणूक आयोगाच्या निर्णयावर आनंद व्यक्त करताना हा लोकशाहीचा विजय असल्याचे म्हटले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)