Amit Shah Visited Lalbaugcha Raja in Mumbai: अमित शहा यांनी घेतलं मुंबईतील लालबागच्या राजाचं दर्शन; पहा व्हिडिओ

Amit Shah Visited Lalbaugcha Raja in Mumbai: दोन दिवसीय महाराष्ट्र दौऱ्यावर असलेले केंद्रीय गृहमंत्री अमित शहा (Amit Shah) यांनी सोमवारी मुंबईत लालबागच्या राजाचे दर्शन घेऊन गणरायाची पूजा केली. गृहमंत्र्यांसोबत त्यांच्या पत्नी सोनल शहा (Sonal Shah) आणि महाराष्ट्राचे मुख्यमंत्री एकनाथ शिंदे (CM Eknath Shinde) ही उपस्थित होते. याशिवाय, अमित शाह यांनी एकनाथ शिंदे आणि उपमुख्यमंत्री देवेंद्र फडणवीस यांच्या मुंबईतील निवासस्थानी जाऊन गणपतीची पूजा केली.

लालबागचा राजा ही मुंबईतील सर्वात प्रसिद्ध आणि आदरणीय गणेश मूर्तींपैकी एक आहे. लालबागच्या राजाचे दर्शन घेण्यासाठी दरवर्षी भाविकांची मोठी गर्दी होते. गणेश चतुर्थीच्या काळात लालबागचा राजाच्या दर्शनासाठी देशभरातून भाविक येतात. आर्थिक राजधानी मुंबईत वसलेल्या गणेश मंडळांपैकी हे एक मोठे गणेश मंडळ आहे. (हेही वाचा -Ganesh idols Immersed on Second Day: मुंबईत रविवारी 62,000 हून अधिक दिड दिवसांच्या गणेश मूर्तींचे विसर्जन)

अमित शहा सहपत्नी घेतलं लालबागच्या राजाचं दर्शन, पहा व्हिडिओ -

दरवर्षी लाखो भक्त लालबाग मंडळाला भेट देतात, प्रार्थना करतात आणि बुद्धी, समृद्धी आणि यशासाठी आशीर्वाद मागतात. याशिवाय, लालबागच्या राजाची मूर्ती तिच्या भव्यतेसाठी ओळखली जाते. ही मूर्ती दरवर्षी बदलते. गणेश चतुर्थी हा दहा दिवसांचा सण भाद्रपद महिन्याच्या चौथ्या दिवशी सुरू होतो, या वर्षी 7 सप्टेंबरपासून गणेशोत्सव सुरू झाला. हा दहा दिवसांचा शुभ उत्सव अनंत चतुर्दशीला संपतो.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)