Thane: ठाण्यात चार वर्षाच्या मुलाचा ओव्हरफ्लो नाल्यात वाहून गेल्याने मृत्यू

महाराष्ट्रातील ठाणे (Thane) शहरातील कळवा (Kalwa) येथे एका चार वर्षाच्या मुलाचा ओव्हरफ्लो नाल्यात वाहून गेल्याने मृत्यू झाला. शुक्रवारी मुलाचा मृतदेह (Deadbody) सापडला. एका अधिकाऱ्याने ही माहिती दिली.

त्यांनी सांगितले की, कळव्यातील भास्कर नगर (Bhaskar Nagar) परिसरात गुरुवारी सायंकाळी 7.30 वाजता आदित्य मौर्य नावाचा मुलगा पाण्यात वाहून गेला. स्थानिक अग्निशमन दलाच्या जवानांनी आणि नागरी संस्थेच्या प्रादेशिक आपत्ती व्यवस्थापन कक्षाच्या पथकाने सकाळी 9 वाजताच्या सुमारास मफतलाल कंपनीजवळील (Mafatlal Company) नाल्यातून अल्पवयीन मुलाचा मृतदेह बाहेर काढला, असे ठाणे महानगरपालिकेचे (TMC) प्रमुख अविनाश सावंत यांनी सांगितले. हेही वाचा Anant Chaturdashi 2022: गणपती विसर्जनापूर्वी थायलंडच्या नागरिकांकडून जुहू बिचवर गणेशपूजा

त्यांनी सांगितले की, मृतदेह कळवा पोलिसांच्या ताब्यात देण्यात आला, त्यांनी तो पोस्टमॉर्टमसाठी स्थानिक सिव्हिल हॉस्पिटलमध्ये पाठवला. याप्रकरणी आकस्मिक मृत्यूची नोंद करण्याचे काम सुरू असल्याचे पोलिसांनी सांगितले. ते म्हणाले की, शहरात आदल्या दिवशी 89.41 मिमी पाऊस झाला, त्यापैकी सायंकाळी 5.30 ते 6.30 या वेळेत एका तासात 71.12 मिमी पाऊस पडला. चालू पावसाळ्यात शहरात आतापर्यंत 2,291.38 मिमी पाऊस झाला आहे, जो मागील वर्षी 2,981.68 मिमी इतका होता.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)