Mumbai Water Storage: मुंबईकरांना दिलासा! शहराला पाणीपुरवठा करणाऱ्या सात जलाशयांमध्ये 82.09 टक्के पाणीसाठा
नागरी संस्थेने शेअर केलेल्या आकडेवारीनुसार, तानसा येथील पाण्याची पातळी 98.85 टक्के आहे. मोडक-सागर येथे 97.83 टक्के पाणीसाठा उपलब्ध आहे. मध्य वैतरणा 96.95 टक्के, अप्पर वैतरणा 66.38 टक्के, भातसा 75.93 टक्के, विहार 100 टक्के आणि तुळशीमध्ये 99.66 टक्के उपयुक्त पाणीसाठा उपलब्ध आहे.
Mumbai Water Storage: मुंबईकरांसाठी अत्यंत दिलासादायक बातमी आहे. मुंबई शहराला पिण्याच्या पाण्याचा पुरवठा करणाऱ्या सात जलाशयांमध्ये एकत्रित पाणीसाठा आता 82.09 टक्के झाला आहे. बृहन्मुंबई महानगरपालिकेच्या (BMC) आकडेवारीनुसार, शुक्रवारी मुंबईला पिण्याच्या पाण्याचा पुरवठा करणाऱ्या सात जलाशयांमध्ये एकत्रित पाणीसाठा आता 11,86,076 दशलक्ष लिटर किंवा 82.09 टक्के इतका आहे.
मुंबईला पाणीपुरवठा करणाऱ्या सात तलावांपैकी एक असलेला मोडक सागर तलाव 27 जुलै रोजी रात्री 10.52 वाजता ओसंडून वाहू लागला, असे नागरी संस्थेने सांगितले. यापूर्वी 20 जुलै रोजी शहर आणि उपनगरात झालेल्या मुसळधार पावसामुळे तुळशी तलाव ओसंडून वाहत होता. मुंबईला तुळशी, तानसा, विहार, भातसा, मोडक सागर, अप्पर वैतरणा आणि मध्य वैतरणा येथून पाणीपुरवठा केला जातो. (हेही वाचा -Weather Forecast: पोषक वातावरण, महाराष्ट्रात पाऊस परतीची शक्यता)
नागरी संस्थेने शेअर केलेल्या आकडेवारीनुसार, तानसा येथील पाण्याची पातळी 98.85 टक्के आहे. मोडक-सागर येथे 97.83 टक्के पाणीसाठा उपलब्ध आहे. मध्य वैतरणा 96.95 टक्के, अप्पर वैतरणा 66.38 टक्के, भातसा 75.93 टक्के, विहार 100 टक्के आणि तुळशीमध्ये 99.66 टक्के उपयुक्त पाणीसाठा उपलब्ध आहे. दरम्यान, भारतीय हवामानशास्त्र विभागाने (IMD) शुक्रवारी मुंबई आणि उपनगरात 'हलका ते मध्यम पाऊस' पडण्याची शक्यता वर्तवली आहे. आज IMD ने मुंबईसाठी 'ग्रीन' अलर्ट जारी केला असून, हलक्या ते मध्यम पावसाचा अंदाज आहे.
BMC ने दिलेल्या माहितीनुसार, आज रात्री 8.21 वाजता मुंबईत सुमारे 2.92 मीटर उंचीची भरती येण्याची शक्यता आहे. आज दुपारी 3.04 वाजता सुमारे 2.41 मीटरची कमी भरती अपेक्षित आहे. बेट शहर, पूर्व आणि पश्चिम उपनगरांमध्ये सकाळी 8 वाजता संपलेल्या 24 तासांत अनुक्रमे सरासरी 4.39 मिमी, 6.14 मिमी आणि 3.45 मिमी पाऊस झाला.
(The above story first appeared on LatestLY on Aug 11, 2023 12:23 PM IST. For more news and updates on politics, world, sports, entertainment and lifestyle, log on to our website latestly.com).
