Nagpur: शेतकरी मोर्चाला अंतिम रूप देण्यासाठी राष्ट्रवादी काँग्रेसच्या बैठकीत 800 पदाधिकारी राहणार उपस्थित

19 डिसेंबरपासून सुरू होणाऱ्या हिवाळी अधिवेशनात (Winter sessions) 'शेतकरी दिंडी' (शेतकरी मोर्चा) नागपूरला (Nagpur) काढण्याच्या योजनेला अंतिम रूप देण्यासाठी विरोधी पक्ष राष्ट्रवादी काँग्रेसने पक्षाच्या (NCP) 800 हून अधिक जिल्हास्तरीय पदाधिकाऱ्यांना 6 डिसेंबर रोजी मुंबईत बोलावले आहे. 6 डिसेंबरला वांद्रे येथे पूर्ण दिवसाचा कार्यक्रम होणार असून त्यामध्ये दिंडीच्या आयोजनाची आखणी केली जाईल, असे राष्ट्रवादीच्या एका ज्येष्ठ नेत्याने सांगितले. पहिल्या सत्रात राष्ट्रवादीच्या सर्व नेत्यांची बैठक घेऊन मोर्चाची जमवाजमव आणि मार्गावर चर्चा होणार आहे. त्यानंतर विदर्भातील जिल्ह्यांतील पदाधिकाऱ्यांची विशेष बैठक होणार असून अखेर मुंबईतील नेत्यांची विशेष बैठक होणार आहे.