Coronavirus Update: महाराष्ट्रात कोरोना संक्रमित मृतांची संख्या 27 हजारांच्या पार; जाणून घ्या जिल्हानिहाय आकडेवारी

महाराष्ट्रात कोरोना व्हायरसचा (Coronavirus) विळखा अधिकाधिक घट्ट होत चालला असून यापासून आपल्या राज्याची सुटका करण्यासाठी शासन सर्वोतोपरी प्रयत्न करत आहेत. महाराष्ट्र राज्य आरोग्य मंत्रालयाने (Maharashtra Health Department) दिलेल्या माहितीनुसार, राज्यात काल (7 सप्टेंबर) दिवसभरात 16,429 नवे कोरोना पॉझिटिव्ह (COVID-19 Positive) रुग्ण आढळले असून 423 जणांचा मृत्यू झाला आहे. यामुळे राज्यातील कोरोना बाधितांची एकूण संख्या 9 लाख 23 हजार 641 वर (COVID-19 Cases) पोहोचली असून मृतांचा आकडा आकडा 27,027 (COVID-19 Death Cases) वर पोहोचला आहे. सध्या राज्यातील मृत्यूदर 2.93% एवढा आहे.

राज्यात काल दिवसभरात 14,429 रुग्ण बरे झाले असून त्यांना रुग्णालयातून डिस्चार्ज मिळाला आहे. यामुळे आतापर्यंत कोरोनावर मात करणा-या रुग्णांची संख्या 6,59,322 वर (COVID-19 Recovered) पोहोचली आहे. यासह राज्यातील कोरोना रुग्ण बरे होण्याचे प्रमाण 71.38% एवढे झाले आहे.

महाराष्ट्रातील कोरोनाबाधितांची जिल्हा व मनपा निहाय आकडेवारी (7 सप्टेंबर रात्री 8: 00 वाजेपर्यंत)  

राज्यात सर्वाधिक रुग्ण संख्या पुण्यात असून त्यापाठोपाठ मुंबईत कोरोनाचे सर्वात जास्त रुग्ण आहेत. तर भारतात कोरोना बाधितांची एकूण आकडा 42 लाखांच्या पार गेला आहे. देशात एकूण 42,04,614 जणांना आतापर्यंत कोरोना व्हायरसची लागण झाली आहे. तर यामध्ये 8,82,542जणांवर देशभर उपचार सुरू आहेत. तर 32,50,429 जणांनी कोरोनावर मात केली आहे. देशामध्ये कोरोना व्हायरसमुळे बळी गेलेल्यांची संख्या 71,642 आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)