Coronavirus Pandemic: महाराष्ट्रात मुंबई पाठोपाठ 'या' जिल्ह्यात आहेत कोरोनाचे सर्वाधिक रुग्ण; जाणून घ्या जिल्हानिहाय आकडेवारी

महाराष्ट्रात कोरोना व्हायरसचा (Coronavirus) फैलाव दिवसेंदिवस वाढत असून तो आटोक्यात आणण्यासाठी शासन सर्वोतोपरी प्रयत्न करत आहेत. राज्यात काल (4 सप्टेंबर) दिवसभरात कोरोनाचे आणखी 19,218 रुग्ण आढळून आले असून 387 जणांचा बळी गेल्याची माहिती आरोग्य विभागाकडून देण्यात आली आहे. त्यामुळे महाराष्ट्रातील (Maharashtra) एकूण कोरोना संक्रमितांचा (COVID-19 Positive) आकडा 8,63,062 वर पोहचला आहे. राज्यात आतापर्यंत 6,25,773 जणांची प्रकृती सुधारली असून 2,10,978 अॅक्टिव्ह रुग्ण आहेत. त्याचसोबत आतापर्यंत 25,964 जणांनी कोरोना व्हायरसमुळे आपली जीव गमावला आहे. असे असले तरी दुसरीकडे दिलासादायक बाब म्हणजे दिवसागणिक कोरोना बाधित रुग्ण बरे होण्याचे प्रमाण वाढत असल्यामुळे रिकव्हरी रेट देखील सुधारला आहे.

राज्यात सर्वाधिक रुग्ण हे मुंबईत (Mumbai) असून त्यापाठोपाठ पुण्यात (Pune) सर्वाधिक कोरोनाचे रुग्ण आहेत. मुंबईत एकूण संक्रमितांची संख्या 1,52,024 वर पोहोचली आहे. काल मुंबईमध्ये 1,110 कोरोनाचे रुग्ण बरे झाले असून, आतापर्यंत एकूण 1,21,671 रुग्ण बरे झाले आहेत. गेल्या काही दिवसांपासून रुग्ण संख्येमध्ये वाढ होत असल्याने, सध्या मुंबईमध्ये 22,220 सक्रीय रुग्णांवर उपचार सुरु आहेत. काल शहरामध्ये कोरोनाच्या 35 रुग्णांचा मृत्यू झाला असून, आतापर्यंत 7,796 रुग्णांचा मृत्यू झाला आहे. बीएमसीने (BMC) याबाबत माहिती दिली. Coronavirus in Mumbai: मुंबईमध्ये आज कोरोना विषाणूच्या 1,929 रुग्णांची नोंद; एकूण संक्रमितांची संख्या 1,52,024 वर

महाराष्ट्रातील कोरोनाबाधितांची जिल्हा व मनपा निहाय आकडेवारी (4 सप्टेंबर रात्री 8: 00 वाजेपर्यंत)

कोरोनाची परिस्थिती अधिक भयंकर होऊ नये म्हणून वेळोवेळी सरकारकडून उपययोजना केल्या जात आहे. तसेच कोरोनाच्या हॉटस्पॉट ठिकाणी सुद्धा लॉकडाऊनचे आदेश दिले गेले जात आहेत. परंतु राज्यात सध्या अनलॉक-4 नुसार काही गोष्टी सुरु करण्यास परवानगी दिली आहे. त्यामध्ये ई-पास आवश्यक नसणार असून नागरिकांना प्रवास करण्यास मुभा देण्यात आली आहे. परंतु अद्याप सरकारने मंदिरे, जिम, धार्मिक स्थळ आणि मेट्रो सेवा बंद ठेवली आहे.