Coronavirus Update: महाराष्ट्रातील कोरोना संक्रमितांची जिल्हानिहाय आकडेवारी, जाणून घ्या एका क्लिकवर

महाराष्ट्र आरोग्य मंत्रालयाने (Maharashtra Health Department) दिलेल्या माहितीनुसार, राज्यात काल (3 सप्टेंबर) दिवसभरात 18,105 नवे कोरोना पॉझिटिव्ह रुग्ण आढळले असून महाराष्ट्रात (Maharashtra) कोरोना बाधितांची एकूण संख्या 8 लाख 43 हजार 844 वर पोहोचली आहे. तर काल 391 नवे रुग्ण दगावले असून राज्यात कोरोना संक्रमित (Coronavirus Positive) मृतांचा आकडा 25,586 वर पोहोचला आहे. राज्यात कोरोना बाधित रुग्ण देखील बरे होण्याचे प्रमाण दिवसागणिक वाढत असल्याने रिकव्हरी रेट (Recovery Rate) 72.58% इतका झाला आहे. राज्यात काल दिवसभरात 13,988 रुग्ण बरे झाले असून त्यांना रुग्णालयातून घरी सोडण्यात आले आहे. यामुळे राज्यात बरे झालेल्या रुग्णांची एकूण संख्या 6 लाख 12 हजार 484 वर पोहोचली आहे.

राज्यात सद्य घडीला 2 लाख 5 हजार 428 रुग्णांवर उपचार सुरु आहेत. तर महाराष्ट्रातील मृत्यूदर 3.03% इतका झाला आहे. राज्यात सर्वाधिक रुग्ण हे मुंबई (Mumbai) शहरात असून येथील कोरोना संक्रमितांची एकूण संख्या 1,50,095 वर पोहोचली आहे. तर मृतांची एकूण संख्या 7764 वर पोहोचली आहे.

महाराष्ट्रातील कोरोनाबाधितांची जिल्हा व मनपा निहाय आकडेवारी (3 सप्टेंबर रात्री 8: 00 वाजेपर्यंत)

राज्यात आतापर्यंत 43,72,697 इतके नागरिकांचे नमुणे कोरोना चाचणीसाठी तपासण्यात आले. त्यापैकी 8,43,844 जण कोरोना पॉझिटीव्ह आले. राज्यातील कोरोना पॉझिटीवर रुग्णांची सरासरी टक्केवारी 19.29% इतकी आली. दुसऱ्या बाजूला राज्यात होम क्वारंटाईन असलेल्यांची संख्या 14,27,316 इतकी आहे. तर, संस्थात्मक क्वारंटाईन असलेल्यांची संख्या 36,745 इतकी आहे.

दरम्यान काल (3 सप्टेंबर) कोरोना बाधित रुग्ण वाढण्याच्या आतापर्यंत सर्वाधिक उच्चांक गाठला आहे. देशात 83,883 नव्या रुग्णांसह देशात कोरोना बाधितांची एकूण संख्या 38 लाख 53 हजार 407 वर पोहोचला आहे.