Coronavirus Update: महाराष्ट्रातील कोरोनाबाधितांची जिल्हानिहाय आकडेवारी; पहा तुमच्या जिल्ह्यात किती कोरोना रुग्ण?
या नंतर राज्यातील कोरोनाबाधितांची आकडेवारी 1,92,990 वर पोहचली आहे. राज्याच्या सर्व जिल्ह्यातील कोरोनाबाधितांची आकडेवारी जाणून घेण्यासाठी आत दिलेला तक्ता तपासून पहा
Coronavirus Update In Maharashtra: महाराष्ट्रात 3 जुलै 2020 रोजी दिवसभरात एकूण 6,364 नवे कोरोना रुग्ण आढळले असून 198 मृत्यूंची नोंद झाली होती. या नंतर राज्यातील कोरोनाबाधितांची आकडेवारी 1,92,990 वर पोहचली आहे. यापैकी 1,04,687 रुग्ण हे डिस्चार्ज देण्यात आलेले आहेत तर सध्या 79,911 रुग्ण ऍक्टिव्ह असून त्यांच्यावर उपचार सुरु आहेत. आजवर राज्यात कोरोनामुळे 8,376 मृत्यू झाले आहेत. महाराष्ट्रात विशेषतः मुंबई मध्ये काल 1372 नव्या कोरोना पॉझिटिव्ह रुग्णांची नोंद झाली असून 73 जणांचा मृत्यू झाला . त्यामुळे मुंबईतील कोरोना बाधित रुग्णांची 82,074 वर पोहचली आहे. मुंबई सह आता ठाणे, रायगड, कल्याण- डोंबिवली या लगतच्या भागात तर नाशिक, पुणे, औरंगाबाद या जिल्ह्यात सुद्धा कोरोनाचे रुग्ण दिवसागणिक वाढत आहेत. या सर्व जिल्ह्यातील कोरोनाबाधितांची आकडेवारी जाणून घेण्यासाठी खाली दिलेला तक्ता तपासून पहा.
कोरोनामुळे आज पिंपरी चिंचवड महानगरपालिका राष्ट्रवादी काँग्रेस (NCP) पक्षाचे विद्यमान नगरसेवक दत्ता साने यांचे निधन झाले आहे. याशिवाय अन्यही क्षेत्रातील अनेक दिग्गजांचा आजपर्यंत कोरोनामुळे मृत्यू झाला आहे.
महाराष्ट्रातील कोरोनाबाधितांची जिल्हानिहाय आकडेवारी (3 जुलै 2020 रात्री 10 पर्यंत)
| जिल्हा | संक्रमित रुग्ण | मृत्यू | बरे झालेले रुग्ण |
| मुंबई | 82074 | 4762 | 52392 |
| ठाणे | 43634 | 1075 | 17227 |
| पुणे | 25454 | 826 | 12218 |
| पालघर | 6837 | 117 | 2866 |
| औरंंगाबाद | 6061 | 277 | 2614 |
| रायगड | 5238 | 106 | 2536 |
| नाशिक | 4656 | 223 | 2616 |
| जळगाव | 3856 | 261 | 2194 |
| सोलापुर | 2695 | 283 | 1631 |
| नागपुर | 1624 | 15 | 1241 |
| अकोला | 1599 | 83 | 1106 |
| सातारा | 1222 | 48 | 757 |
| धुळे | 1182 | 58 | 680 |
| कोल्हापुर | 886 | 12 | 724 |
| रत्नागिरी | 677 | 27 | 449 |
| अमरावती | 625 | 30 | 434 |
| जालना | 619 | 24 | 363 |
| अहमदनगर | 506 | 15 | 340 |
| लातुर | 396 | 20 | 204 |
| सांगली | 376 | 11 | 239 |
| नांदेड | 371 | 14 | 241 |
| यवतमाळ | 318 | 10 | 221 |
| बुलढाणा | 277 | 13 | 160 |
| हिंगोली | 270 | 1 | 250 |
| उस्मानाबाद | 241 | 12 | 180 |
| सिंधुदुर्ग | 234 | 5 | 155 |
| नंदुरबार | 179 | 9 | 79 |
| गोंदिया | 155 | 2 | 104 |
| बीड | 126 | 3 | 95 |
| वाशिम | 115 | 3 | 80 |
| परभणी | 110 | 4 | 83 |
| चंद्रपुर | 97 | 0 | 61 |
| भंडारा | 87 | 0 | 77 |
| गडचिरोली | 71 | 1 | 58 |
| वर्धा | 16 | 1 | 12 |
| अन्य जिल्हे | 106 | 25 | 0 |
| एकुण | 192990 | 8376 | 104687 |
दरम्यान, राज्याचे रुग्ण बरे होण्याचे प्रमाण 54. 24 टक्के एवढे झाले आहे, तर मृत्यूदर 4.34 टक्के एवढा आहे. काल आरोग्यमंत्री राजेश टोपे यांनी दिलेल्या माहितीनुसार, राज्यात कोरोना रुग्णांच्या उपचारासाठी त्रिस्तरीय रुग्णालय असून लक्षणांनुसार रुग्णांना या रुग्णालयात दाखल केले जाते. रुग्णांवर होणारे उपचार, कोरोना रुग्णालयातील आरोग्य सुविधा याची देखरेख करण्यासाठी आता जिल्हाधिकाऱ्यांच्या अध्यक्षतेखाली जिल्हास्तरीय समिती नेमण्यात आली आहे.