Pune Police Commissioner’s Office परिसरामध्ये 34 वर्षीय तरूणाचा आत्मदहनाचा प्रयत्न; गंभीर दुखापतीनंतर ससून रूग्णालयात दाखल

पुण्यात आज (17 ऑगस्ट) पोलिस कमिशनर ऑफिस (Pune Police Commissioner’s Office) मध्ये एक थरारक प्रकार घडला आहे. 34 वर्षीय व्यक्तीने कार्यालय परिसरात स्वतःच्या अंगावर रॉकेल टाकून आत्मदहनाचा प्रयत्न केला. पेटलेल्या अवस्थेतच त्याने कार्यालयात जाण्याचा प्रयत्न केला. मात्र यावेळी गेटवर असणार्‍या व्यक्तींनी प्रसंगावधान राखत त्याला रोखून आग विझवली. या प्रकारामध्ये संबंधित व्यक्ती गंभीर दुखापतीने ग्रस्त झाला आहे. पोलिसांनी दिलेल्या माहितीनुसार या व्यक्तीला पुण्यात ससून रूग्णालयात तातडीने दाखल करण्यात आले आहे.

पुण्यात साधू वासवासी चौक परिसरामध्ये असलेल्या पुणे पोलिस कमिशनर कार्यालयात हा प्रकार घडला. आज सकाळी 11.30 च्या सुमाराची ही घटना असून या प्रकरणात अधिक तपास सुरू आहे. इंडियन एक्सप्रेसच्या वृत्तानुसार, हा 34 वर्षीय तरूण खडकीचा रहिवासी होता. त्याच्या काही कामासाठी तो फॉलोअप साठी आला होता. अन्य मीडीयारिपोर्ट्स नुसार या व्यक्तीला चारित्र पडताळणी प्रमाणपत्र हवे आहे मात्र त्याच्यावर काही गुन्हे असल्याने तो त्याला मिळू शकत नाही. यावरूनच त्याने हे टोकाचं पाऊल उचललं असल्याचं सांगितलं जात आहे.

(नक्की वाचा: Pune Police and Biryani Controversy: तुपातली बिर्याणी फुकटात मागणारी महिला पोलीस अधिकारी चौकीशीच्या फेऱ्यात, उत्तरादाखल म्हणे 'हितसंबंध बिघडल्याने माझ्या विरुद्धचं षडयंत्र').

असिस्टंट कमिशनर ऑफ पोलिस (लष्कर विभाग) चंद्रकांत सांगळे यांनी इंडियन एक्सप्रेस सोबत बोलताना,'संबंधित व्यक्ती गंभिररित्या भाजली आहे. या प्रकरणी अधिक तपास सुरू आहे. आता नक्की काय घडलं याचा पाठपुरावा सुरू झाला आहे.'

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)