New Mumbai: पनवेलमध्ये 13 वर्षाच्या भावाचा 15 वर्षांच्या बहिणीवर बलात्कार; पॉर्न पाहिल्यानंतर केले लाजिरवाणे कृत्य
हे कुटुंब पनवेलचे असून ही घटना त्यांच्या राहत्या घरी घडली. त्यामुळे हे प्रकरण आता खांदेश्वर पोलीस ठाण्यात वर्ग करण्यात आले आहे. पीडितेचे आई-वडील घरकामाचे काम करतात. वडील 10,000 रुपये कमावतात, तर आई 8,000 रुपये मासिक कमावते.
New Mumbai: नवी मुंबई (New Mumbai) येथून अत्यंत धक्कादायक बातमी समोर येत आहे. वाशी पोलिसांनी (Vashi Police) एका 13 वर्षीय मुलाने आपल्या 15 वर्षांच्या मोठ्या बहिणीवर बलात्कार (Rape) करून गर्भधारणा केल्याप्रकरणी गुन्हा दाखल केला आहे. वाशी सामान्य रुग्णालयात मेडिको-लीगल केस (एमएलसी) नोंदवल्यानंतर शनिवारी गुन्हा दाखल करण्यात आला. 15 वर्षांची मुलगी तिच्या पालकांसह गर्भपात करण्यासाठी रुग्णालयात गेली होती. मुलगी तीन महिन्यांची गरोदर होती.
पीडितेने पोलिसांना दिलेल्या निवेदनानुसार, दोन्ही भावंडांनी डिसेंबर महिन्यात पॉर्न पाहिला होता आणि 'ॲक्ट' करण्याचा निर्णय घेतला होता. दोघांनाही हे करणे अवघड वाटले आणि त्यामुळे त्यांनी हा विचार सोडला. पण जानेवारी महिन्यात, पीडितेने असा दावा केला की तिच्या लहान भावाने तिच्यावर बळजबरी केली. तिने त्याला मासिक पाळी चुकल्याचे सांगितले. तिने तिच्या आईला ही घटना सांगितली आणि नंतर आई-वडील तिला रुग्णालयात घेऊन गेले. (हेही वाचा -Thane Shocker: ठाण्यात क्षुल्लक कारणावरून फळविक्रेत्याचा दोघांना जीवे मारण्याचा प्रयत्न; पिता-पुत्राला पोलिसांकडून अटक)
प्राप्त माहितीनुसार, हे कुटुंब पनवेलचे असून ही घटना त्यांच्या राहत्या घरी घडली. त्यामुळे हे प्रकरण आता खांदेश्वर पोलीस ठाण्यात वर्ग करण्यात आले आहे. पीडितेचे आई-वडील घरकामाचे काम करतात. वडील 10,000 रुपये कमावतात, तर आई 8,000 रुपये मासिक कमावते.
पोलिसांनी दिलेल्या माहितीनुसार, आई-वडील कामानिमित्त बाहेर गेले असताना ही घटना घडली. मुलाला आता बालकल्याण आयोगासमोर हजर केले जाईल. या मुलाविरुद्ध भारतीय दंड संहिता तसेच लैंगिक गुन्ह्यांपासून मुलांचे संरक्षण (POCSO) कायद्यांतर्गत बलात्काराचा गुन्हा दाखल करण्यात आला आहे.