Coronavirus Update: महाराष्ट्रातील कोरोना बाधितांची जिल्हानिहाय आकडेवारी, पाहा आजचे ताजे अपडेट्स

महाराष्ट्रात कोविड-19 (COVID-19) चा प्रार्दुभाव रोखण्यासाठी सर्व शासकीय यंत्रणा आणि कोविड योद्धा अहोरात्र झटत आहेत. राज्यात काल (12 ऑगस्ट) दिवसभरात 12,712 रुग्णांची वाढ झाली असून 344 रुग्ण दगावले आहेत. यामुळे राज्यात कोरोना बाधितांची एकूण संख्या 5,48,313 वर पोहोचली असून मृतांची संख्या 18,650 वर पोहोचली आहे. काल दिवसभरात 13,408 रुग्ण बरे होऊन त्यांना रुग्णालयातून घरी सोडण्यात आले आहे. आतापर्यंत एकूण 3,81,843 रुग्णांनी कोरोनावर यशस्वीरित्या मात केली आहे. सद्य घडीला राज्यात 1,47,513 रुग्णांवर उपचार सुरु आहेत.

राज्यात कोरोनाचे रुग्ण बरे हण्याचे प्रमाण 69.64% इतके आहे. तर मृत्यूदर 3.4% इतका आहे. राज्यात आतापर्यंत 29,08,887 कोविड-19 च्या चाचण्यांपैकी 5,48,313 कोरोना पॉझिटिव्ह रुग्ण आढळले आहेत. सद्य घडीला 10,15,115 कोरोनाचे रुग्ण होम क्वारंटाईन असून 35,880 रुग्ण हे संस्थात्मक क्वारंटाईन आहेत. Coronavirus in Mumbai: मुंबईमध्ये आज कोरोना विषाणूच्या 1,132 रुग्णांची नोंद; शहरामध्ये बरे झालेल्या रुग्णांनी ओलांडला 1 लाखाचा टप्पा

महाराष्ट्रातील कोरोनाबाधितांची जिल्हा व मनपा निहाय आकडेवारी (12 ऑगस्ट रात्री 8: 00 वाजेपर्यंत)

राज्यात सर्वाधिक रुग्ण हे मुंबईत असून काल कोरोना विषाणूच्या 1,132 रुग्णांची व 50 मृत्यूंची नोंद झाली आहे. यासह शहरातील एकूण संक्रमित रुग्णांची संख्या 1,26,371 वर पोहोचली आहे. 5 ऑगस्ट ते 11 ऑगस्ट पर्यंत मुंबईतील एकूण कोविड वाढीचा दर 0.81 टक्के आहे. 11 ऑगस्ट 2020 पर्यंत झालेल्या कोविडच्या एकूण चाचण्या 6,22,963 इतक्या आहेत, तर मुंबईतील रुग्ण दुप्पटीचा दर 86 दिवस झाला आहे.

(The above story first appeared on LatestLY on Aug 13, 2020 08:57 AM IST. For more news and updates on politics, world, sports, entertainment and lifestyle, log on to our website latestly.com).