Diwali Celebrations With Killa Making: दिवाळीला मातीचा किल्ला का बांधला जातो? काय आहे यामागची रोचक कथा? जाणून घ्या
दिवाळी या सणात मुलांमध्ये किल्ले (Fort) बनवण्याची क्रेझ निर्माण होते. हा खेळाचा भाग तर आहेच पण त्यामागे काही रोचक कथाही आहे. दिवाळीत मातीचा किल्ला किंवा घर बांधणे शुभ मानले जाते. चला तर मग जाणून घेऊया त्यामागची रंजक माहिती...
Diwali Celebrations With Killa Making: दिवाळी (Diwali 2022) हा आनंदाचा सण आहे. लहानांपासून ते वृद्धांपर्यंत या सणाला खूप उत्साह असतो. या उत्सवादरम्यान अनेक प्रथा आणि परंपरा पाळल्या जातात. लहान मुलांसाठी हा सण आनंदाच्या सणापेक्षा कमी नाही. दिवाळी या सणात मुलांमध्ये किल्ले (Fort) बनवण्याची क्रेझ निर्माण होते. हा खेळाचा भाग तर आहेच पण त्यामागे काही रोचक कथाही आहे. दिवाळीत मातीचा किल्ला (Mud Fort) किंवा घर बांधणे शुभ मानले जाते. चला तर मग जाणून घेऊया त्यामागची रंजक माहिती...
दिवाळी 2022 यावर्षी 24 ऑक्टोबर रोजी साजरी होणार आहे. या दिवशी लक्ष्मी आणि गणपतीच्या पूजेबरोबरच मातीच्या किल्ल्यांची आणि मातीच्या घरांची पूजा केली जाते. दिवाळीला मातीचा किल्ला किंवा घर बांधण्याची परंपरा फार जुनी आहे. एका पौराणिक कथेनुसार, जेव्हा भगवान राम, सीता आणि लक्ष्मण अश्विन महिन्याच्या अमावस्येला अयोध्येला परतले, तेव्हा लोकांनी त्यांच्या स्वागतासाठी घरोघरी तुपाचे दिवे लावले. त्याच दिवशी लोकांनी मातीची घरे बांधली आणि त्याची खूप सजावट केली. (हेही वाचा - Vasubaras Wishes In Marathi: 33 कोटी देव सामावलेल्या गोमातेबाबत आदर व्यक्त करणारे HD Greeting, What's App Status, Quotes शेअर करत द्या वसुबारसेच्या अनोख्या शुभेच्छा)
तेव्हापासून दिवाळीच्या सणात मातीची घरे किंवा किल्ले बांधले जातात. काही ठिकाणी मातीच्या घराला किल्ल्याचे रूप दिले जाते तर काही ठिकाणी घरासारखे छोटे मातीचे घर बांधले जाते. अविवाहित मुलीही या घरासमोर रांगोळी काढतात. दिवाळीच्या दिवशी लोक घर स्वच्छ करून रांगोळी काढतात, त्याचप्रमाणे मातीच्या घरासमोर रांगोळी काढली जाते. असे मानले जाते की यामुळे अविवाहित मुलींच्या आयुष्यात आनंद, नशीब आणि इच्छित पती मिळतो. शक्यतो महाराष्ट्रात लहान मुलं दिवाळीनिमित्त मातीचा किल्ला बांधतात.
दिवाळीला 'असा' बनवा मातीचा किल्ला -
शहरात जागेची समस्या असते. त्यामुळे तुम्ही प्लास्टर ऑफ पॅरिस पावडरने घराच्या कोपऱ्यात प्रतिकात्मकपणे छोटे मंदिर, घर किंवा किल्ला बनवू शकता. याशिवाय घराच्या छतावरही तुम्ही छोटे घर बनवू शकता. हा किल्ला बनवल्यानंतर त्यात लाल रंग किंवा हळद टाकून स्वस्तिक किंवा ओम बनवू शकता.