Chandra Grahan 2023 Sutak Time: आज वर्षातील शेवटचे चंद्रग्रहण; संध्याकाळपासून सुरू होणार सुतक काळ; चुकूनही करू नका 'या' चुका

Chandra Grahan 2023 Sutak Time: 2023 मधील शेवटचे चंद्रग्रहण (Chandra Grahan 2023) आज 28 ते 29 ऑक्टोबरच्या मध्यरात्री होणार आहे. हे ग्रहण भारतातही दिसणार आहे. ज्या ठिकाणी ग्रहण दिसते तेथे सुतक नियम लागू होतात. ज्योतिषी डॉ. अरविंद मिश्रा यांनी Zeebiz ला दिलेल्या माहितीनुसार, सुतक कालावधी चंद्रग्रहणाच्या 9 तास आधी सुरू होतो. सुतक काळ हा अशुभ काळ मानला जातो. यामध्ये काही नियमांचे पालन करण्याचा सल्ला देण्यात आला आहे. गर्भवती महिलांसाठी विशेष नियम करण्यात आले आहेत.

सुतक काळ आणि नियम -

सुतक कालावधी म्हणजे काय?

ज्योतिषी डॉ. अरविंद मिश्रा यांच्या मते, सूर्यग्रहण आणि चंद्रग्रहण या दोन्हीच्या काही तास आधीचा काळ म्हणजे जेव्हा निसर्ग संवेदनशील बनतो. सुतक काळ हा प्रदूषित काळ मानला जातो कारण या काळात वातावरणात अनेक नकारात्मक घटक असतात. हा काळ अशुभ मानला जातो. सुतक काळ सूर्यग्रहणाच्या 12 तास आधी, तर चंद्रग्रहणाच्या 9 तास आधी सुरू होतो. धार्मिक दृष्टिकोनातून सुतक काळाला खूप महत्त्व आहे. सुतक काळापासून ग्रहणकाळापर्यंत काही नियम पाळायला सांगितले जातात. (हेही वाचा - Chandra Grahan 2023: आज वर्षातलं शेवटचं चंद्रग्रहण भारतातूनही दिसणार; पहा कसं, कधी, कुठे?)

सुतक कालावधीचे नियम -

• सुतक काळात गर्भवती महिलांनी विशेष काळजी घ्यावी. या काळात कोणतेही शिवणकाम किंवा भरतकाम करू नये.
• गर्भवती महिलांनी सुतक काळात अन्न शिजवू नये आणि चाकू, कात्री, सुई इत्यादी धारदार वस्तू वापरू नयेत.
• गरोदर स्त्रियांनी सुतक काळात घराबाहेर पडू नये आणि सुतक कालावधीपूर्वी पोटावर गेरू लावावे.
• सुतक काळात वातावरणातील नकारात्मकतेमुळे प्रत्येकासाठी स्वयंपाक करणे आणि खाणे वर्ज्य आहे. पण तुम्ही द्रव आहार घेऊ शकता.
• गर्भवती महिला आणि वृद्ध व्यक्तींना अन्न न खाण्याचा नियम लागू नाही. ते त्यांच्या गरजेनुसार खाऊ शकतात.
• ग्रहणकाळात अन्नपदार्थांमध्ये तुळशीची पाने घालावीत. तुळशीची पाने घातल्याने वस्तू दूषित होत नाही.
• सुतक काळात मंदिरात पूजा करू नये. तसेच घरी पूजा करू नये. पण तुम्ही मानसिक जप करू शकता. ते भाग्यवान मानले जाते.

चंद्रग्रहण आणि सुतक यांची वेळ - 

आज रात्री चंद्रग्रहण पहाटे 01:05 वाजता सुरू होईल आणि 02:24 वाजता समाप्त होईल. हे ग्रहण मेष आणि अश्विनी नक्षत्रात होणार आहे. वर्षातील शेवटचे चंद्रग्रहण भारतातही दिसणार आहे, त्यामुळे येथेही सुतकचे नियम लागू होतील. चंद्रग्रहणाच्या 9 तास आधी सुतक सुरू होतात. यानुसार 28 ऑक्टोबर रोजी दुपारी 04:05 वाजता सुतक कालावधी सुरू होईल. यासोबतच सुतक नियमही लागू करून मंदिरांचे दरवाजे बंद केले जाणार आहेत.