Solar Eclipse 2025 Time: आज होणार वर्षातील पहिले सूर्य ग्रहण; जाणून घ्या वेळ व भारतामध्ये दिसणार की नाही

सूर्य ग्रहण (Solar Eclipse 2025) ही एक अद्भुत खगोलीय घटना आहे, ज्यामध्ये चंद्र हा पृथ्वी आणि सूर्याच्या दरम्यान येतो, ज्यामुळे सूर्याचा प्रकाश पृथ्वीवर पूर्णतः किंवा अंशतः अडथळित होतो. या घटनेमुळे आकाशात सूर्याचा काही भाग किंवा पूर्ण सूर्य काळोखात जातो, ज्याला आपण सूर्य ग्रहण म्हणतो. सन 2025 मध्ये दोन सूर्य ग्रहण होणार आहेत. पहिले सूर्य ग्रहण 29 मार्च 2025 रोजी होईल, जे आंशिक सूर्य ग्रहण असेल. दुसरे सूर्य ग्रहण 21 सप्टेंबर 2025 रोजी होईल. भारतीय प्रमाणवेळेनुसार, आजचे सूर्य ग्रहण दुपारी 2.20 वाजता सुरू होऊन सायंकाळी 6.13 वाजता समाप्त होईल. मात्र, भारतात हे ग्रहण दृश्यमान नसेल.

हे आंशिक सूर्यग्रहण युरोप, आशिया, आफ्रिका, उत्तर अमेरिका, दक्षिण अमेरिका, अटलांटिक महासागर आणि आर्क्टिक महासागरातील काही भागांमध्ये दिसेल. भारतीय परंपरेनुसार, सूर्यग्रहणाच्या वेळी सूतक काल मानला जातो, जो ग्रहणाच्या 12 तास आधी सुरू होतो. या कालावधीत धार्मिक कार्ये, भोजन आणि काही विशिष्ट क्रिया टाळण्याचा सल्ला दिला जातो मात्र, जेव्हा ग्रहण भारतात दृश्यमान नसते, तेव्हा सूतक काल लागू होत नाही. (हेही वाचा: Happy Gudi Padwa 2025 Advance Wishes In Marathi: गुढी पाडव्या निमित्त WhatsApp Status, Quotes, Messages द्वारा द्या मराठी नववर्षाच्या अॅडव्हान्स शुभेच्छा!)

सूर्यग्रहण पाहताना डोळ्यांचे संरक्षण करणे अत्यंत महत्त्वाचे आहे. नग्न डोळ्यांनी किंवा साध्या चष्म्यांनी सूर्यग्रहण पाहणे डोळ्यांसाठी हानिकारक ठरू शकते. सूर्य ग्रहण ही एक मोठी खगोलीय घटना आहे, जी विज्ञान, ज्योतिष आणि अध्यात्म या तीनही दृष्टिकोनातून महत्त्वाची आहे. भारतीय परंपरेनुसार, गर्भवती महिलांनी सूर्य ग्रहणादरम्यान काही सावधगिरी बाळगावी, जसे की घराबाहेर न जाणे, धारधार वस्तूंचा वापर टाळणे, आणि विशिष्ट मंत्रांचा जप करणे याचा सल्ला दिला जातो. 2025 मधील सूर्य ग्रहण भारतात दिसणार नसले तरी, या घटनेची माहिती आणि तिचे वैज्ञानिक, धार्मिक आणि सांस्कृतिक महत्त्व आहे. असे मानले जाते की, सूर्य ग्रहणाचा बाराही राशींवर प्रभाव पडतो.

सूर्य ग्रहणाचे प्रकार:

पूर्ण सूर्य ग्रहण: या प्रकारात चंद्र सूर्याला पूर्णपणे झाकतो, ज्यामुळे काही काळासाठी दिवसाचा प्रकाश पूर्णतः नाहीसा होतो.​

आंशिक सूर्य ग्रहण: या प्रकारात चंद्र सूर्याच्या फक्त काही भागाला झाकतो, ज्यामुळे सूर्याचा काही भागच अंधकारमय दिसतो.​

वृत्ताकार सूर्य ग्रहण: या प्रकारात चंद्र सूर्याच्या मध्यभागी येतो, पण त्याचा आकार सूर्यापेक्षा लहान असल्यामुळे सूर्याच्या कडांचा प्रकाश दिसतो.

दरम्यान, ज्योतिषशास्त्रानुसार आजचा 19 मार्च 2025 चा दिवस फार मोठा आहे. आज अमावस्या आहे, सूर्य ग्रहण लागणार आहे आणि आज शनीचे राशीपरिवर्तन होणार आहे. आज शनी मीन राशीत प्रवेश करणार आहे. शनीच्या बदलत्या हालचालीचा लोकांच्या जीवनावर खूप परिणाम होतो. याचा सर्वात जास्त परिणाम कुंभ, मीन आणि मेष राशींवर होणार आहे, कारण आता साडेसातीचा काळ या तिन्ही राशींवर असेल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)