Ram Navami 2025 Date: जाणून घ्या यंदा कधी आहे रामनवमी; या दिवसाचे महत्व व मध्याह्न मुहूर्त
हिंदू धर्मग्रंथानुसार, त्रेतायुगातील रावणाचे अत्याचार संपवण्यासाठी आणि धर्माची पुनर्स्थापना करण्यासाठी भगवान विष्णूने मृत्यूच्या जगात श्री राम म्हणून अवतार घेतला. 2025 साली राम नवमी रविवारच्या दिवशी आली आहे, ज्यामुळे भक्तांना या दिवशी पूजा-अर्चना आणि धार्मिक कार्यक्रमांमध्ये सहभागी होण्यासाठी अधिक वेळ मिळेल.
Ram Navami 2025 Date: राम नवमी हा हिंदू धर्मातील एक अत्यंत महत्त्वाचा सण आहे, जो भगवान श्रीरामांच्या जन्मदिवसाच्या निमित्ताने साजरा केला जातो. चैत्र महिन्यातील शुक्ल पक्षातील नवमी तिथीला हा सण साजरा केला जातो. यंदा, 2025 साली राम नवमी रविवार, 6 एप्रिल रोजी साजरी केली जाईल. भगवान रामांचा जन्म अयोध्येतील राजा दशरथ आणि राणी कौसल्या यांच्या पोटी झाला. राम हे विष्णूंच्या सातव्या अवतार मानले जातात. भगवान श्रीराम हे हिंदू धर्मातील सात्त्विकतेचे प्रतीक मानले जातात. त्यांच्या जीवनचरित्रातून धर्म, सत्य, न्याय आणि मर्यादा पालनाचे धडे मिळतात. राम नवमीच्या निमित्ताने भक्तगण त्यांच्या गुणांचे स्मरण करून आपल्या जीवनात त्यांची अंमलबजावणी करण्याचा प्रयत्न करतात.
दुपारी सूर्य डोक्यावर आल्यावर रामजन्माचा सोहळा होतो. श्रीरामाच्या मूर्तीला पाळण्यात घातले जाते. त्याची पूजा करून रामजन्माचा पाळणा म्हटला जातो. राम नवमीच्या दिवशी भक्तगण उपवास करतात, मंदिरात जाऊन श्रीरामाची पूजा करतात आणि रामायणाचे पठण करतात. अयोध्या, भगवान रामाची जन्मभूमी, येथे विशेषतः भव्य उत्सव आणि शोभायात्रांचे आयोजन केले जाते. घरोघरी श्रीरामाची मूर्ती किंवा चित्राची पूजा केली जाते, भजन-कीर्तन केले जाते आणि प्रसाद वाटप केले जाते.
राम नवमी मुहूर्त-
यंदा नवमी तिथी 5 एप्रिल 2025 रोजी सायंकाळी 7.26 वाजता सुरू होईल आणि 6 एप्रिल 2025 रोजी सायंकाळी 7.22 वाजता समाप्त होईल. राम नवमीच्या दिवशी मध्याह्न मुहूर्त सकाळी 11.08 वाजता सुरू होऊन दुपारी 1.39 वाजता समाप्त होईल, ज्याचा एकूण कालावधी 2 तास 31 मिनिटे आहे. (हेही वाचा: Hindu New Year 2025: हिंदू नववर्षाला घरी आणा 'या' गोष्टी; वर्षभर राहील सुख आणि समृद्धी)
हिंदू धर्मग्रंथानुसार, त्रेतायुगातील रावणाचे अत्याचार संपवण्यासाठी आणि धर्माची पुनर्स्थापना करण्यासाठी भगवान विष्णूने मृत्यूच्या जगात श्री राम म्हणून अवतार घेतला. 2025 साली राम नवमी रविवारच्या दिवशी आली आहे, ज्यामुळे भक्तांना या दिवशी पूजा-अर्चना आणि धार्मिक कार्यक्रमांमध्ये सहभागी होण्यासाठी अधिक वेळ मिळेल. तसेच, या वर्षी राम नवमीच्या दिवशी चंद्रमा मेष राशीत असेल, ज्यामुळे या दिवसाचे धार्मिक महत्त्व आणखी वाढते. चैत्र नवरात्रीचीही समाप्ती रामनवमीच्या दिवशी होते.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)