Sonalee Kulkarni हिने आपल्या कुटूंबासह अगदी साधेपणाने घरच्या घरी केले आपल्या लाडक्या गणपती बाप्पाचे विसर्जन; Watch Video
सोनालीने घरच्या गणपती बाप्पांची आरती झाल्यानंतर आपल्या गॅलरीतील कुंडीत या इको फ्रेंडली गणपती बाप्पाचे विसर्जन केले.
मराठी सिनेसृष्टीतील अप्सरा फेम सोनाली कुलकर्णी (Sonalee Kulkarni) हिच्या घरी गणेश चतुर्थीला आलेल्या गणपती बाप्पाचे आज विसर्जन करण्यात आले. सोनालीने अगदी साधेपणाने घरच्या घरी आपल्या कुटूंबासमवेत लाडक्या बाप्पाचे कुंडीत विसर्जन केले. यावेळी तिचा होणारा नवरा कुणाल बेनोडेकर (Kunal Benodekar) देखील उपस्थित होता. हा व्हिडिओ तिने आपल्या इन्स्टाग्राम अकाउंटवर शेअर केला आहे. सोनालीच्या भावाने शाडूच्या मातीची सुंदर अशी मूर्ती बनविली होती. सोनालीचा भाऊ अतुल कुलकर्णी गेल्या 3 वर्षांपासून शाडूच्या मातीची मूर्ती घडवतो आणि मग सोनाली हळदी-कुंकूवाच्या पाण्याने त्यावर रंग रंगोटीचे काम करते.
सोनालीने घरच्या गणपती बाप्पांची आरती झाल्यानंतर आपल्या गॅलरीतील कुंडीत या इको फ्रेंडली गणपती बाप्पाचे विसर्जन केले. Marathi Celebrity Ganpati 2020: अभिनेत्री सोनाली कुलकर्णी च्या घरी 'अशी' घडली इको फ्रेंडली गणपती बाप्पाची ही मनमोहक मूर्ती, Watch Video
गेल्या काही वर्षांपासून अनेक कलाकारांसह अनेक लोकही इको फ्रेंडली गणपती आणण्यावर वा ती घरीच बनविण्यावर भर देत आहेत.
अलीकडेच सोनालीने आपल्या साखरपुड्याला 6 महिने पुर्ण झाल्याच्या निमित्ताने छान फोटोशूट केले होते. तिने हे फोटो आपल्या इंस्टाग्राम अकाउंट वरुन शेअर केले असुन तिचे फॅन्स सुद्धा यावर खुश झाले होते.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)