Delhi Crime: महिला उबेर चालकाच्या गाडीवर दगडफेक करत मोबाईल हिसकावण्याचा प्रयत्न, एकास अटक

उत्तर दिल्लीतील (Delhi) कश्मीर गेट (Kashmir Gate) परिसरात एका अज्ञात व्यक्तीने कॅब चालवणाऱ्या एका महिला उबेर चालकावर (Female Uber Driver) दगडफेक केल्याचा आरोप आहे. महिला कॅब चालक ड्युटीवर असताना पहाटे दोनच्या सुमारास हा अपघात झाला. दरम्यान, एका व्यक्तीने त्यांच्या कारवर दगडफेक (Stone throwing) करून त्यांचा फोन हिसकावण्याचा प्रयत्न केला. प्रियांका देवी असे या महिला कॅब चालकाचे नाव आहे. पोलिसांनी सांगितले की, या हल्ल्यात प्रियंका देवीच्या छातीला किरकोळ दुखापत झाली असली तरी ती पळून जाण्यात यशस्वी झाली. त्यांना रुग्णालयात नेण्यात आले आणि प्राथमिक उपचारानंतर घरी सोडण्यात आले.

डीसीपी (उत्तर) सागर सिंग कलसी यांनी सांगितले की, आम्हाला पहाटे 2 वाजता फोन आला की कारची काच फोडून लुटण्याचा प्रयत्न केला जात आहे. पोलीस कर्मचारी घटनास्थळी पोहोचले असून समयपूर बदली येथे राहणाऱ्या प्रियंका नावाच्या महिला कॅब चालकावर हल्ला करण्यात आला आहे. पोलीस घटनास्थळी पोहोचल्यानंतर महिलेने सांगितले की, तिच्या कॅबची काच फोडण्यात आली आणि तिचा मोबाईल हिसकावून घेण्याचा प्रयत्न करण्यात आला. त्यानंतर हल्लेखोर घटनास्थळावरून पळून गेला. मात्र, महिलेने याबाबत पोलिसात तक्रार करण्यास नकार दिला. हेही वाचा Ahmedabad Shocker: मुंबईकर 49 वर्षीय महिलेवर मित्रांकडून गॅंग रेप; 2 आरोपी अटकेत 

पोलिसांनी सांगितले की आम्ही महिलेशी संपर्क साधला पण तिने सांगितले की मला तक्रार करायची नाही. मात्र, पोलिसांनी या प्रकरणाची स्वत:हून दखल घेत अज्ञाताविरुद्ध तक्रार नोंदवली. पोलिसांनी सांगितले की, आरोपीला पकडण्यात आले असून प्रकरणाचा तपास सुरू आहे. डीसीपी सागर सिंग कलसी यांनी सांगितले की, डकैतीचा प्रयत्न करण्याच्या कलमांखाली गुन्हा दाखल करण्यात आला आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)