Crime: प्रेमात अडथळा ठरणाऱ्या पतीची हत्या करून मृतदेह पुरला घरात, पत्नीसह तिचा प्रियकर अटकेत

पानिपत (Panipat) जिल्ह्यातील एका गावातील 35 वर्षीय व्यक्ती बेपत्ता झाल्यानंतर जवळपास एक आठवड्यानंतर त्याचा कुजलेला मृतदेह त्याच्या पत्नी आणि मित्राने घरात सिमेंटच्या फरशीखाली पुरलेला आढळून आला. समलखा पोलिस ठाण्याचे (Samlakha Police Station) प्रभारी सुनील कुमार यांनी सांगितले की, आरोपी परवीन कुमारला अटक करण्यात आली असून हत्येमध्ये मृताच्या पत्नीचा सहभाग शोधण्याचा तपास सुरू आहे. पोलिसांनी भारतीय दंड संहितेच्या कलम 346 अन्वये गुन्हा दाखल केला असून आता खुनाची कलमे जोडली जातील, असे ते म्हणाले. पोलिस तक्रारीनुसार, पीडित रवी हा 11 डिसेंबर रोजी कर्नाल येथून कार खरेदी करण्यासाठी गेला होता, परंतु परत आला नाही आणि कुटुंबाने त्याच्या हरवल्याची तक्रार दाखल केली.

तपासाशी संबंधित अधिका-यांनी सांगितले की, रवीला अलीकडेच त्याच्या पत्नीचे परवीनसोबतच्या संबंधांबद्दल माहिती मिळाली होती, जो देखील विवाहित आहे आणि त्याला आक्षेप होता. 11 डिसेंबर रोजी परवीनने रवीला पट्टी कल्याणा गावातील त्याच्या राहत्या घरी बोलावले आणि त्याला मादक पदार्थ पाजले. तो बेशुद्ध पडल्यावर आरोपींनी त्याच्यावर वार केले, त्यामुळे रवीचा मृत्यू झाला. त्यानंतर परवीनने त्याचा मृतदेह त्याच्या घरातील एका खोलीत पुरला आणि नंतर सिमेंट केले, असे पोलिसांनी सांगितले. हेही वाचा Nagpur Suicide Case: शर्यत स्पर्धेतील पराभव सहन न झाल्याने दहावीतील विद्यार्थ्याच्या आत्महत्या

मृताचा मोठा भाऊ रजत कुमार यांनी आरोप केला की रवीच्या पत्नीचे परवीनसोबत अवैध संबंध होते आणि रवी त्यांच्या संबंधाच्या विरोधात असल्याने दोघांनी रवीची हत्या केली. पोलिस स्टेशनचे प्रभारी सुनील कुमार यांनी सांगितले की, पोलिसांच्या पथकाने ड्युटी मॅजिस्ट्रेटच्या उपस्थितीत मृतदेह बाहेर काढला आणि तो पोस्ट ग्रॅज्युएट इन्स्टिट्यूट ऑफ मेडिकल सायन्सेस, रोहतक येथे पोस्टमॉर्टमसाठी पाठवण्यात आला.

(The above story first appeared on LatestLY on Dec 19, 2022 10:17 PM IST. For more news and updates on politics, world, sports, entertainment and lifestyle, log on to our website latestly.com).