Rajasthan’s Schools Closed: देशाची राजधानी दिल्लीत वाढत्या प्रदूषणामुळे श्वास घेणे कठीण झाले आहे. त्यामुळे राजधानीतील बारावीपर्यंतच्या सर्व शाळा आणि महाविद्यालये पुढील आदेशापर्यंत बंद ठेवण्यात आली आहेत. राजस्थानमध्येही प्रदूषण वाढू लागले आहे. राजस्थानमधील वाढत्या प्रदूषणामुळे तिजारा आणि खैरथल येथील इयत्ता पहिली ते पाचवीपर्यंतच्या सर्व शाळा २३ नोव्हेंबरपर्यंत बंद राहणार आहेत.
जिल्हाधिकारी खैरथल-तिजारा यांनी जारी केलेल्या आदेशात म्हटले आहे की, रिट याचिकेत दिलेल्या आदेशात सर्वोच्च न्यायालयाने म्हटले आहे की, एनसीआर आणि आसपासच्या भागातील वायू प्रदूषणाची पातळी 450 च्या पुढे गेल्याने शाळांना सुट्ट्या देण्यात याव्यात असे घोषित करण्यात आले आहे.
शिक्षकांनी शाळेत यावे:
तिजारा आणि खैरथलमधील वाढत्या प्रदूषणाबाबत खैरथल-तिजारा एडीएम शिवपाल जाट म्हणाले की, AQI स्कोअर वाढण्यापूर्वी खबरदारी म्हणून ही सुट्टी जाहीर करण्यात येत आहे. या कालावधीत विद्यार्थ्यांसाठी ऑनलाइन वर्ग घेण्यात येणार आहेत. हा आदेश केवळ विद्यार्थ्यांसाठीच लागू राहणार असला, तरी शिक्षकांना शाळेत यावे लागणार आहे.