Lok Sabha Elections 2024: लोकसभा निवडणुकीच्या पहिल्या टप्प्यातल्या 102 मतदारसंघातील मतदानाबाबतची अधिसूचना आज होणार जारी
रामटेक, नागपूर, भंडारा, गोंदिया, गडचिरोली-चिमूर, चंद्रपूर या लोकसभेच्या मतदारसंघामध्ये 19 एप्रिलला मतदान होणार आहे.
भारतामध्ये लोकसभा निवडणूकीच्या (Loksabha Election) धामधूमीला सुरूवात झाली आहे. यंदा 19 एप्रिल ते 1 जून दरम्यान 7 टप्प्यात मतदान होणार आहेत. या निवडणूकांमध्ये 19 एप्रिलला होणार्या 102 मतदारसंघातील उमेदवारांसाठी आजपासून नॉमिनेशन प्र्क्रिया सुरू होत आहे. 19 एप्रिलला 21 राज्यात आणि केंद्र शासित प्रदेशामध्ये पहिल्या टप्प्यातील मतदान आहे. या टप्प्यासाठी नॉमिनेशन दाखल करण्याची अंतिम तारीख 27 मार्च आहे. बिहार मध्ये सण असल्याने ही अंतिम तारीख 28 मार्च आहे. बिहार मध्ये 40 पैकी 4 ठिकाणी पहिल्या टप्प्यातील मतदान 19 एप्रिलला आहे.
नॉमिनेशन प्रक्रियेनंतर कागदपत्रांची पडताळणी 28 मार्चला केली जाईल. बिहारसाठी ही तारीख 30 मार्च असेल. उमेदवारी मागे घेण्याची तारीख 20 मार्च आहे. दरम्यान महाराष्ट्रातही 19 एप्रिलला मतदान आहे. विदर्भात प्रामुख्याने हे मतदान होणार आहे. त्यामध्ये रामटेक, नागपूर, भंडारा, गोंदिया, गडचिरोली-चिमूर, चंद्रपूर या जागांचा समावेश आहे. नक्की वाचा: Lok Sabha Elections 2024 Schedule: लोकसभा निवडणूक कार्यक्रम जाहीर, आदर्श आचारसंहिता जारी .
पहा ट्वीट
लोकसभा निवडणुकीच्या पहिल्या टप्प्यातल्या मतदानाबाबतची अधिसूचना आज होणार जारी.
१९ एप्रिलला १०२ मतदार संघांमध्ये होणार मतदान.#LokSabhaElections2024 pic.twitter.com/KslBetn7Ju
— DD Sahyadri News | सह्याद्री बातम्या (@ddsahyadrinews) March 20, 2024
महाराष्ट्रासोबत 19 एप्रिल ला अरूणाचल प्रदेश, आसाम, बिहार, छत्तीसगड, मध्य प्रदेश, राजस्थान, तामिळनाडू, उत्तर प्रदेश, पश्चिम बंगाल, जम्मू कश्मीर, लक्षद्वीप आणि पॉन्डिचेरी मध्ये मतदान होणार आहे.
(The above story first appeared on LatestLY on Mar 20, 2024 09:34 AM IST. For more news and updates on politics, world, sports, entertainment and lifestyle, log on to our website latestly.com).
