Mann ki Baat: पंतप्रधान नरेंद्र मोदी आज पुन्हा करणार 'मन की बात', वाढता कोरोना संसर्ग, लस आणि ऑक्सिजनच्या कमतरतेबाबत काय बोलणार? येथे ऐका लाईव्ह कार्यक्रम

Mann Ki Baat: देशातील कोरोनाचे संकट वाढत असताना पंतप्रधान नरेंद्र मोदी (Prime Minister Narendra Modi) आज आपल्या 'मन की बात' (Mann Ki Baat) या मासिक रेडिओ कार्यक्रमातून पुन्हा देशवासीयांना संबोधित करणार आहेत. सकाळी 11 वाजता हा रेडिओ कार्यक्रम सुरू होईल. जो तुम्ही ऑल इंडिया रेडिओ तसेच दूरदर्शन, फेसबुक, ट्विटर आणि मोबाइल अ‍ॅप्सवर थेट ऐकू येऊ शकतो. पंतप्रधानांचा हा कार्यक्रम अशा वेळी होणार आहे, जेव्हा देशात कोरोना संकटामुळे गंभीर परिस्थिती उद्भवली आहे. दररोज संक्रमणाच्या नवीन नोंदींमध्ये या प्राणघातक संसर्गजन्य आजारामुळे मोठ्या संख्येने लोक आपला जीव गमावत आहेत. रुग्णांच्या वाढत्या संख्येमुळे राष्ट्रीय राजधानी दिल्लीसह देशातील बर्‍याच भागात ऑक्सिजनची कमतरता भासत आहे.

कोरोना संकट अधिक गडद झाल्याने सरकारने 1 मेपासून 18 वर्षे व त्यापेक्षा जास्त वयोगटातील सर्व लोकांना लसीकरण देण्याची घोषणा केली आहे. कोविशिल्ट आणि कोवाक्सिन या दोन लस सध्या देशात दिल्या जात आहेत. या भीषण परिस्थितीच्या पार्श्वभूमीवर पश्चिम बंगालमध्ये विधानसभेच्या निवडणुकादेखील घेतल्या जात असून, त्यासाठी 2 मे रोजी मतमोजणी होणार आहे. पंतप्रधान मोदींच्या भाषणात या मुद्द्यांवरील चर्चा होण्याती शक्यता आहे. (वाचा - Remdesivir Updates in Maharashtra: दिलासादायक! अखेर महाराष्ट्राला केंद्राकडून मिळाला रेमडेसिवीरचा ज्यादा पुरवठा, मुख्यमंत्र्यांनी PM Modi चे मानले आभार)

'मन की बात' कार्यक्रम येथे थेट ऐका -

पंतप्रधान मोदींच्या 'मन की बात' रेडिओ कार्यक्रमाची ही 76 वी आवृत्ती असेल, जी पंतप्रधान मोदींच्या फेसबुक पेज आणि ट्विटर पेजवर थेट पाहिली किंवा ऐकली जाऊ शकते. हा कार्यक्रम ऑल इंडिया रेडिओ आणि दूरदर्शनच्या संपूर्ण नेटवर्कवर देखील प्रसारित केला जाईल. तुम्ही हा कार्यक्रम narendramodi.in/mannkibaat, narendramodi.in/downloadapp, prasarbharati.gov.in, newsonair.com वर ऐकू शकता.

'मन की बात' कार्यक्रम आकाशवाणी, दूरदर्शन न्यूज, पंतप्रधान कार्यालय आणि माहिती व प्रसारण मंत्रालयाच्या यूट्यूब वाहिन्यांवर थेट प्रसारित होईल. हा कार्यक्रम हिंदीमध्ये प्रसारित झाल्यानंतर लगेचचं ऑल इंडिया रेडिओमधून प्रादेशिक भाषांमध्ये प्रसारित केला जाईल. आपल्या मोबाइल फोनवर 'मन की बात' ऐकण्यासाठी आपण 1922 क्रमांकावर मिस कॉल देखील करू शकता.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)