Zimbabwe vs Ireland, 3rd ODI 2025 Match Live Streaming In India: झिम्बाब्वे-आयर्लंड यांच्यातील निर्णायक सामना भारतात कधी, कुठे आणि कसा पहाल?
आयर्लंडचा कर्णधार पॉल स्टर्लिंगने नाणेफेक जिंकून प्रथम गोलंदाजी करण्याचा निर्णय घेतला. नाणेफेक गमावल्यानंतर झिम्बाब्वे प्रथम फलंदाजी करत 245 धावा केल्या. हा सामना जिंकण्यासाठी आयर्लंड संघाला 50 षटकांत 246 धावा कराव्या लागल्या.
Zimbabwe National Cricket Team vs Ireland National Cricket Team, 3rd ODI Match 2025 Live Streaming: झिम्बाब्वे राष्ट्रीय क्रिकेट संघ आणि आयर्लंड राष्ट्रीय क्रिकेट संघ (ZIM vs IRE) यांच्यातील तीन सामन्यांच्या एकदिवसीय मालिकेतील तिसरा आणि निर्णायक सामना आज म्हणजे 18 फेब्रुवारी रोजी खेळला जाणार आहे. दोन्ही संघांमधील हा सामना भारतीय वेळेनुसार दुपारी 1.00 वाजता हरारे येथील हरारे स्पोर्ट्स क्लबमध्ये खेळला जाईल. मालिकेतील दुसऱ्या एकदिवसीय सामन्यात आयर्लंडने झिम्बाब्वेचा विकेट राखून पराभव केला. यासह, आयर्लंडने मालिकेत 1-1 अशी बरोबरी साधली आहे. आता दोन्ही संघांमध्ये एक रोमांचक मालिका अपेक्षित आहे. या मालिकेत झिम्बाब्वेचे नेतृत्व क्रेग एर्विन करत आहे. तर आयर्लंडचे नेतृत्व पॉल स्टर्लिंगकडे आहे.
दुसऱ्या एकदिवसीय सामन्यात, आयर्लंडचा कर्णधार पॉल स्टर्लिंगने नाणेफेक जिंकून प्रथम गोलंदाजी करण्याचा निर्णय घेतला. नाणेफेक गमावल्यानंतर झिम्बाब्वे प्रथम फलंदाजी करायला आला पण त्यांचा संपूर्ण संघ 49 षटकांत केवळ 245 धावांवर बाद झाला. हा सामना जिंकण्यासाठी आयर्लंड संघाला 50 षटकांत 246 धावा कराव्या लागल्या. लक्ष्याचा पाठलाग करताना आयर्लंड संघाने 48.4 षटकांत चार गडी गमावून लक्ष्य गाठले.
झिम्बाब्वेने पहिल्या एकदिवसीय सामन्यात शानदार कामगिरी केली आणि 49 धावांनी विजय मिळवला. आता त्यांना हा सामना जिंकून मालिका जिंकायची आहे. दुसरीकडे, आयर्लंडने दुसरा एकदिवसीय सामना सहा विकेट्सने जिंकला होता. या सामन्यात त्यांना मालिकाही जिंकायची आहे. गेल्या सामन्यात आयर्लंडच्या फलंदाजांनी चांगली सुरुवात केली होती. दुसरे म्हणजे, झिम्बाब्वेने पहिल्या एकदिवसीय सामन्यात उत्कृष्ट फलंदाजी आणि गोलंदाजी दाखवली होती. सलामीवीर ब्रायन बेनेट (169) ने चांगली खेळी केली आणि कर्णधार क्रेग एर्विन (66) ने त्याला चांगली साथ दिली.
हेड टू हेड रेकॉर्ड
झिम्बाब्वे आणि आयर्लंडमध्ये आतापर्यंत एकूण 24 एकदिवसीय सामने खेळले गेले आहेत. या काळात, आयर्लंड संघाचा वरचष्मा दिसतो. आयर्लंडने 24 पैकी 11 सामने जिंकले आहेत. तर झिम्बाब्वेने फक्त नऊ सामने जिंकले आहेत. याशिवाय, एक सामना बरोबरीत सुटला आणि 3 सामने अनिर्णीत राहिले. आकडेवारीवरून स्पष्ट होते की आयर्लंडचा संघ अधिक मजबूत आहे. पण झिम्बाब्वेला घरच्या मैदानावर खेळण्याचा फायदा मिळू शकतो.
सामना कधी आणि कुठे खेळला जाईल?
झिम्बाब्वे राष्ट्रीय क्रिकेट संघ आणि आयर्लंड राष्ट्रीय क्रिकेट संघ यांच्यातील तीन सामन्यांच्या एकदिवसीय मालिकेतील तिसरा आणि शेवटचा सामना हरारे येथील हरारे स्पोर्ट्स क्लब येथे दुपारी 1.00 वाजता भारतीय वेळेनुसार खेळला जाईल. दुपारी 12.30 वाजता कोणाचा टॉस होईल.
सामन्याचे लाईव्ह टेलिकास्ट आणि स्ट्रीमिंग कुठे आणि कसे ऑनलाइन पाहता येईल?
झिम्बाब्वे आणि आयर्लंड यांच्यातील द्विपक्षीय मालिका भारतातील कोणत्याही टीव्ही चॅनेलवर प्रसारित केली जाणार नाही. तथापि, आयर्लंड विरुद्ध झिम्बाब्वे तिसरा एकदिवसीय 2025 सामना फॅनकोड अॅप आणि वेबसाइटवर लाईव्ह स्ट्रीमिंगद्वारे पाहता येईल. यासाठी तुम्हाला मॅच पास किंवा टूर पास घ्यावा लागेल.
दोन्ही संघांचे संभाव्य प्लेइंग इलेव्हन
झिम्बाब्वे: बेंजामिन कुरन, तादिवानाशे मारुमानी, क्रेग एर्विन (कर्णधार), शॉन विल्यम्स, ब्लेसिंग मुजुरबानी, रिचर्ड नगारावा, न्यूमन न्याम्बुरी, सिकंदर रझा, वेलिंग्टन मसाकाड्झा, जॉन कॅम्पबेल, वेस्ली माधेवेरे.
आयर्लंड: अँड्र्यू बालबर्नी, कर्टिस कॅम्फर, लॉर्कन टकर, हॅरी टेक्टर, पॉल स्टर्लिंग (कर्णधार), ग्राहम ह्यूम, जॉर्ज डॉकरेल, मार्क अडायर, क्रेग यंग, अँडी मॅकब्राइन, मॅथ्यू हम्फ्रीज.