Telangana Medical Negligence Case: डॉक्टर उपस्थित नसल्याने नर्स ने WhatsApp Video Call वरून केले C-Section; IVF Twins चा मृत्यू; तेलंगनामधील घटना
शस्त्रक्रियेदरम्यान वरिष्ठ डॉक्टरांची कथित अनुपस्थिती वैद्यकीय नैतिकता आणि कायदेशीर अनुपालनाबद्दल गंभीर प्रश्न उपस्थित करत आहे. ज्यामुळे सखोल आणि निष्पक्ष चौकशीची आवश्यकता आहे. असे आरोग्य अधिकार्‍यांनी कबूल केले आहे.
महाराष्ट्रात तनिषा भिसे प्रकरण ताजं असताना तेलंगना मध्ये एका खाजगी रूग्णालयामध्ये वैद्यकीय निष्काळजीपणामुळे एका गर्भवतीने जुळं बाळ गमावल्याचा प्रकार समोर आला आहे. ही घटना तेलंगणाच्या रंगारेड्डी जिल्ह्यात असलेल्या इब्राहिमपट्टणम येथील खाजगी रुग्णालयातील आहे. रुग्णालयात प्रत्यक्ष उपस्थित नसलेल्या एका वरिष्ठ प्रसूतीतज्ज्ञाने फोनवर दिलेल्या सूचनांचे पालन करून, नर्सिंग स्टाफने सिझेरियन केल्याचा दावा करण्यात आला आहे.
गरोदर महिलेच्या नातेवाईकांनी केलेल्या दाव्यानुसार, या प्रक्रियेमुळे गर्भधारणेच्या अवघ्या 18 आठवड्यात जुळ्या मुलांचा जन्म झाला. आयव्हीएफद्वारे गर्भधारणा करणाऱ्या आईची प्रकृती स्थिर असल्याचे वृत्त आहे. दुर्दैवाने, दोन्ही बाळांचा जन्म झाल्यानंतर काही तासांतच मृत्यू झाला, ज्यामुळे कुटुंबात संताप आणि दुःख आहे.
तेलंगणातील या घटनेमुळे रुग्णालयाबाहेर मोठ्या प्रमाणात निदर्शने करण्यात आली आहेत. कुटुंबीयांनी असा दावा केला की वरिष्ठ प्रसूतीतज्ज्ञांनी ऑपरेशन थिएटरमध्ये उपस्थित राहण्याऐवजी दूरध्वनीद्वारे शस्त्रक्रियेचे निर्देश दिले. नातेवाईकांनी धरणे आंदोलन केले आणि त्यानंतर रुग्णालय आणि डॉक्टर दोघांविरुद्ध गंभीर वैद्यकीय निष्काळजीपणाचा आरोप करत अधिकृत तक्रार दाखल केली आहे.
जिल्हा वैद्यकीय आणि आरोग्य अधिकारी (DM&HO) यांच्यासह रंगारेड्डी जिल्ह्यातील वरिष्ठ अधिकाऱ्यांनी तात्काळ खाजगी रुग्णालयाची पाहणी केली. initial procedural violations, ची पुष्टी केल्यानंतर, अधिकाऱ्यांनी सुविधा सील करून आणि व्यापक चौकशीचे आश्वासन देऊन त्वरित कारवाई केली. नक्की वाचा: C-Section and Mental Issues: पत्नीची सी-सेक्शन शस्त्रक्रिया पाहून पतीचे मानसिक आरोग्य बिघडले; रुग्णालयाविरुद्ध गुन्हा दाखल, 5000 कोटींची नुकसान भरपाईची मागणी .
आरोग्य अधिकाऱ्यांनी कबूल केले की गर्भधारणा आयव्हीएफ-गर्भधारणा असल्याने, आवश्यक तातडीच्या शस्त्रक्रियेची शक्यता असू शकते. त्यांनी अधोरेखित केले की गंभीर शस्त्रक्रियेदरम्यान वरिष्ठ डॉक्टरांची कथित अनुपस्थिती वैद्यकीय नैतिकता आणि कायदेशीर अनुपालनाबद्दल गंभीर प्रश्न उपस्थित करत आहे. ज्यामुळे सखोल आणि निष्पक्ष चौकशीची आवश्यकता आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)