Technical Fault in Saudia Airlines Flight: सौदी अरेबियाहून येणाऱ्या विमानात तांत्रिक बिघाड; लखनऊ विमानतळावर लँडिंग दरम्यान चाकातून निघाल्या ठिणग्या

Technical Fault in Saudia Airlines Flight: लखनऊ विमानतळावर लँडिंग करताना सौदी एअरलाइन्सच्या (Saudia Airlines Flight) विमानात तांत्रिक बिघाड (Technical Fault) झाल्याची बातमी समोर येत आहे. लँडिंगदरम्यान विमानाच्या चाकातून ठिणग्या आणि धूर निघू लागला. या घटनेमुळे प्रवाशांमध्ये घबराट पसरली. सुदैवाने, सर्व प्रवाशांना वेळीच सुरक्षितपणे बाहेर काढण्यात आले आणि अग्निशमन दलाच्या पथकाने आग आटोक्यात आणली.

सौदी अरेबियाहून येणाऱ्या विमानाच्या चाकातून अचानक ठिणग्या आणि धूर निघू लागल्याने लखनऊ विमानतळावर खळबळ उडाली. एसव्ही 3112 हे विमान रात्री 10:45 वाजता जेद्दाहहून निघाले होते. हे विमान हज यात्रेला गेलेल्या 250 प्रवाशांना घेऊन सौदी अरेबियाहून लखनऊ विमानतळावर पोहोचले. विमान टॅक्सी-वेवरून पुढे जाताच डाव्या चाकातून धूर आणि ठिणग्या बाहेर पडताना दिसल्या, ज्यामुळे पायलटने ताबडतोब सतर्कता दाखवली. (हेही वाचा - Ahmedabad Plane Crash: अहमदाबाद विमान अपघातातील 80 मृतांचे DNA नमुने जुळले; 33 जणांचे मृतदेह नातेवाईकांना सुपूर्द)

सौदी अरेबियाहून येणाऱ्या विमानाच्या लँडिंग दरम्यान चाकातून निघाल्या ठिणग्या- 

दरम्यान, पायलटने तात्काळ एअर ट्रॅफिक कंट्रोलरला याची माहिती दिली. त्यानंतर विमानतळाच्या अग्निशमन दलाने घटनास्थळी पोहोचून चाकावर पाणी टाकले. परिस्थिती नियंत्रणात आणण्यासाठी सुमारे 20 मिनिटे लागली. सुदैवाने सर्व प्रवासी सुरक्षित आहेत. परंतु या घटनेदरम्यान विमानात उपस्थित असलेल्या प्रवाशांमध्ये घबराट पसरली. या विमानाचे टेकऑफ आणि लँडिंग सामान्य होते. परंतु धावपट्टीवर उतरल्यानंतर विमान टॅक्सी-वेवर येत असताना विमानाच्या चाकातून ठिणग्या निघाल्या.

फ्रँकफर्टहून हैदराबादला येणाऱ्या विमानात बॉम्ब असल्याची अफवा -

तथापि, जर्मनीच्या फ्रँकफर्ट शहरातून हैदराबादला येणाऱ्या विमानात बॉम्ब असल्याची माहिती मिळाल्यानंतर विमान परत पाठवण्यात आले. तथापि, फ्रँकफर्टमध्ये तपासणीदरम्यान कोणताही बॉम्ब आढळला नाही. विमानाने उड्डाण केल्यानंतर त्यात बॉम्ब असल्याची माहिती मिळाली असल्याचे सांगण्यात येत आहे. अशा परिस्थितीत, विमानाला फ्रँकफर्टला परत बोलावण्यात आले. टेकऑफनंतर दोन तासांनी विमान पुन्हा फ्रँकफर्टमध्ये उतरले. हे विमान लुफ्थांसा एअरलाइन्सचे होते. गुजरातमधील अहमदाबाद येथे झालेल्या एअर इंडियाच्या विमान अपघातानंतर विमान कंपन्या अधिक सावधगिरी बाळगत आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)