Tamil Nadu Drops Rupee Symbol: रुपया वगळून तमिळ शब्दचा वापर; तामिळनाडू सरकारचा अर्थसंकल्प चर्चेत; केंद्रास धक्का, देशातील पहिलीच घटना

राष्ट्रीय शिक्षण धोरणाविरुद्ध (National Education Policy ) एक महत्त्वपूर्ण पाऊल उचलत, एम के स्टॅलिन (M K Stalin) यांच्या नेतृत्वाखालील तमिळनाडू सरकारने 2025च्या अर्थसंकल्पात (Tamil Nadu Budget 2025) 'रु.' (Rupee Symbol) साठी अधिकृत रुपया चिन्ह (₹) बदलून तमिळ अक्षर वापरण्याचा निर्णय घेतला आहे. राज्याने राष्ट्रीय चलन चिन्ह नाकारल्याची ही पहिलीच घटना आहे, ज्यामुळे केंद्र सरकारच्या धोरणांविरुद्धची भूमिका तीव्र झाली आहे. तामिळनाडूने 2025च्या राज्य अर्थसंकल्पासाठी प्रचारात्मक साहित्यात रुपया चिन्हाची जागा तमिळ चिन्हाने घेतली आहे. केंद्र सरकारच्या नवीन राष्ट्रीय शिक्षण धोरणाद्वारे ‘हिंदी भाषा लादण्या’वरून सत्ताधारी द्रविड मुन्नेत्र कळघम (DMK) आणि भाजपच्या नेतृत्वाखालील केंद्र सरकारच्या लढाई दरम्यान हे एक पाऊल म्हणून पाहिले जात आहे. आगामी काळात हा संघर्ष अधिक वाढण्याची शक्यता आहे.

द्रमुक निर्णयाचे समर्थन

एम के स्टॅलिन यांच्या डीएमके (DMK) सरकारने घेतलेल्या निर्णयाचे समर्थन करताना आणि त्यावर प्रतिक्रिया देताना द्रमुक नेते सरवनन अन्नादुराई यांनी सरकारच्या निर्णयाचे स्वागत केले आहे. आम्ही रुपयासाठी तमिळ शब्द वापरला आहे. हा विरोध नाही किंवा तो बेकायदेशीरही नाही. तमिळ नेहमीच आमचे प्राधान्य राहील, म्हणूनच सरकारने हे पाऊल उचलले आहे. त्यास आमचा पाठींबा आहे. त्यांनी पुढे जोर देऊन म्हटले की तामिळनाडूची शिक्षण व्यवस्था चांगली कामगिरी करत आहे, असा दावा केला की, तामिळनाडूतील लोक उत्तर भारतात नाही तर अमेरिका आणि युकेमध्ये स्थलांतरित होत आहेत. भाजपला हे पचवता येत नाही. त्यामुळेच भाजप आणि केंद्र सरकार असे उपक्रम राबवत आहे. (हेही वाचा, DMK MP Responds to Hindi Letter in Tamil: द्रमुक खासदाराचे केंद्रीय मंत्र्यांच्या पत्राला तमिळ भाषेत उत्तर, 'हिंदी कळले नाही, इंग्रजीत सांगा')

‘राजकीय नाटक’ म्हणत विरोधकांची टीका

तमिळसाई सुंदरराजन यांनी या निर्णयाला विरोध करताना सरकारच्या निर्णयावर टीका केली आणि म्हटले: ते राजकीय फायदा घेण्यासाठी याचा वापर करत आहेत. मला तमिळ शब्दाशी काही आक्षेप नाही, पण हे फक्त राजकीय नाटक आहे. ते त्यांच्या स्वतःच्या मुलांना सरकारी शाळांमध्ये का शिकवत नाहीत? (हेही वाचा, Udhayanidhi Stalin Row: 'भाजप म्हणजे विषारी साप', सनातन धर्मावरील वक्तव्यानंतर उदयनिधी स्टॅलिन पुन्हा आक्रमक)

राजकीय आणि सांस्कृतिक परिणाम

तामिळनाडू दीर्घकाळापासून आपली भाषिक आणि सांस्कृतिक ओळख जपण्यासाठी आवाज उठवत आहे, हिंदी लादणे किंवा केंद्रीकरण अशा धोरणांना वारंवार विरोध करत आहे. रुपया चिन्हाची बदली ही राज्याच्या NEP विरोधात सततच्या प्रतिकाराशी जुळते आणि त्याचा मजबूत तमिळ अभिमान प्रतिबिंबित करत असली तरी, त्यामुळे केंद्र विरुद्ध राज्य असा संघर्ष निर्माण होण्याची शक्यता आहे. शिवाय देशात वेगळा वादही पाहायला मिळणार आहे.

(The above story first appeared on LatestLY on Mar 13, 2025 02:42 PM IST. For more news and updates on politics, world, sports, entertainment and lifestyle, log on to our website latestly.com).